ނިމިގެންދިޔަ އިންތިޚާބު ގިނަ ރައްޔިތުން ބޭނުންވި ގޮތަށް ނިމިގެންދިޔަ ދިޔުމަކީ އިލާހީ ވަރަށް ބޮޑު ނިއުމަތެއް ކަމަށާއި ތަޤްދީރުގެ ނިޔާކަމަށް ދިވެހިރާއްޖޭގެ މަޝްހޫރު ދީނީ އިލްމުވެރިޔާ ޝެއިޚް އިލްޔާސް ޙުސައިން ވިދާޅުވެއްޖެއެވެ.
އިންތިޚާބު ބާތިލް ކުުރުމަށް އިންތިޚާބުން ބަލިވި ފަރާތް ކަމަށްވާ ޕީޕީއެމްގެ ކެންޑިޑޭޓް ރައީސް ޢަބްދުﷲ ޔާމީންގެ ފަރާތްޕުޅުން ކޯޓަށް ހެޅުމަށް އުޅުއްވާކަމުގެ އަޑުތައް ފެތުރިފައިވާ މި ދަނޑިވަޅުގައި ޝެއިޚް އިލްޔާސް ކުރެއްވި ޓްވީޓްގައި ވަނީ ދަރުސުން ފުރިގެންވާ ކީރިތި ގުރުއާނުގެ އާޔަތަކާއި އޭގެ މާނަ ހިމަނުއްވާފައެވެ. އެ ޓްވީޓްގައި ޝެއިޚް ވިދާޅުވީ ﷲގެ އިރާދަފުޅުން އިލާހީ މި ނިޔާ އެއްވެސް ބަޔަކަށް ބަދަލެއް ނުކުރެވޭނެ ކަމަށެވެ.
Nimigen dhiya inthikhabu Gina rayyithun beynunvi gothah nimigen dhiya dhiumakee ilaahee v bodu niumatheh thagudheeruge niyaav ma mi niumathah shukuruverivumah emmehaa lobuvethi rayyithunge kibain edhenilaahee mi niya evves bayakah badhaleh nukureveyne in Sha Allah pic.twitter.com/ZkG5LjZdce
— Ilyas Hussain (@ilyaasipa) September 26, 2018
ޝެއިޚް އިލްޔާސްގެ ޓްވީޓްގައި އެ މަނިކުފާނު ވަނީ މި ނިޢުމަތަށް ޝުކުރުވެރިވުމަށް އެންމެހާ ލޮބުވެތި ރައްޔިތުންގެ ކިބައިން އެދިވަޑައިގެންފައެވެ.