ހުސްވި ޑިސެމްބަރު މަހުގެ ފުރަތަމަ ދުވަހުން ފެށިގެން ފެބްރުއަރީ 11 ވަނަ ދުވަހާ ހަމަ އަށް އެސްޓާސްގެ ފަރާތުން ބޭއްވި ސްކޫލް ސީޒަން ފެއާގެ ނަސީބުވެރި ފަރާތްތައް ހޮވައި އިނާމު ހަވާލު ކޮށްފި އެވެ. ޑިސެމްބަރު މަހުގެ ކޮންމެ ހަފުތާއަކު ހަތަރު ނަސީބުވެރިން ހޮވައި އެ މީހުންނަށް އިނާމު ހަވާލުކޮށްފައިވާ ކަމަށް އެސްޓާސްގެ މެނޭޖަރު އަލީ ހަމީދު ވިދާޅުވި އެވެ. ފަހު ހަފުތާގައި ހަތަރު ވަނަ އަށް ދިޔަ މއ. ޑިއާ ފްރެންޑް ނައުފަލަށް ލިބުނީ 16 ޖީބީގެ އައިޕޮޑެކެވެ. ތިން ވަނަ އަށް ދިޔަ ފާތިމަތު ރައިޔާ އަށް 16 ޖީބީގެ އައިޕެޑް އެއާއެއް ލިބުނުއިރު ދެ ވަނަ އަށް ދިޔަ އާސިމަށް ލިބުނީ ސެމްސަންގް ޓީވީއެކެވެ. އެއް ވަނަ އަށް ހުށަހަޅާފައިވާ 64 ޖީބީގެ އައިފޯން ހައެއް ލިބުނީ މައުވާ މުހައްމަދު ރަޝީދަށެވެ. ސްކޫލް ސީޒަން ފެއާގެ ގުރުއަތުގައި ބައިވެރިވި މީހުންގެ ތެރެއިން ގްރޭންޑް ޕްރައިޒްގެ ނަސީބުވެރިއަކަށް ލިޓަސް އޮޓޯމޮބައިލްސްގެ ފަރާތުން ހުށަހަޅާފައިވާ ސައިކަލު ލިބުނީ ފާތިމަތު ރައިޔާ އަށެވެ. އެސްޓާސް ސްކޫލް ސީޒަން ފެއާގެ ގްރޭންޑް ޕްރައިސްގެ ނަސީބުވެރިޔާ ފާތިމަތު ރައިޔާގެ ފަރާތުން އިނާމާ ހަވާލުވަނީ -- ފޮޓޯ: އެސްޓާސް މި ފެއާގެ ނަސީބުވެރިންނަށް އިނާމުތައް ހަވާލުކޮށް އެސްޓާސްގެ ފަރާތުން އިތުރު ޕްރޮމޯޝަނެއް ވެސް މިހާރު ވަނީ ފަށާފަ އެވެ. މި ޕްރޮމޯޝަނަކީ ބައިނަލްއަގްވާމީ އަންހެނުންގެ ދުވަހާ ގުޅިގެން "ޝެއާ އެންޑް ވިން ޕްރޮމޯޝަން"ގެ ނަމުގައި މި މަހުގެ ފުރަތަމަ ދުވަހުން ފެށިގެން އަށް ވަނަ ދުވަހުގެ ނިޔަލަށް އެސްޓާސްގެ ފޭސްބުކް ޕޭޖުގައި ކުރިއަށް ދާ ޕްރޮމޯޝަނެކެވެ.