ރިޔާސީ އިންތިހާބަށް ފަހު ކެމްޕެއިން ކުރުމުގެ ގޮތުން އިދިކޮޅު ކޯލިޝަނާއި ޕީޕީއެމްއިން މާލޭގައި ހިނގާލުމެއް ބާއްވަން ތައްޔާރުވެއްޖެ އެވެ.
އެމްޑީޕީއިން އިންތިޒާމްކުރާ ޕެރޭޑް ފަށާނީ މިއަދު ހަވީރު ހަތަރެއް ޖަހާއިރު ރަސްފަންނު ސަރަހައްދުންނެވެ. އެ ފެރޭޑްގައި އިދިކޮޅު ކޯލިޝަންގެ ކެންޑިޑޭޓް އިބްރާހިމް މުހައްމަދު ސޯލިހު، އިބޫ އާއި ރަނިންމޭޓް ފައިސަލް ނަސީމް ބައިވެރިވެވަޑައިގަންނަވާނެ އެވެ.
ޕެރޭޑްގައި އިދިކޮޅަށް ތާއިދުކުރާ ގިނަ މީހުން ބައިވެރިވާނެ ކަމަށް އެމްޑީޕީއިން ބުނެފައިވާއިރު މާލޭގެ މަގުތަކުގައި އެ ޕެރޭޑް ކުރިއަށް ދާނެ އެވެ.
ކެމްޕެއިން ނިންމާލުމަށް ޕީޕީއެމްއިން ބޭއްވުމަށް ހަމަޖެހިފައިވަނީ ވެހިކަލް ބުރެކެވެ. އެ ވެހިކަލް ބުރު ފެށުމަށް ހަމަޖެހިފައިވަނީ ހަވީރު އާޓިފިޝަލް ބީޗް ސަރަހައްދުންނެވެ. މާލޭގެ ބޮޑެތި މަގުތަކުގައި ވެހިކަލް ބުރު ކުރިއަށްދާނެއިރު ކެންޑިޑޭޓް، ރައީސް އަބްދުﷲ ޔާމީން އާއި ރަނިންމޭޓް ޑރ. މުހައްމަދު ޝަހީމް ބައިވެރިވެވަޑައިގަންނަވާނެ އެވެ.