އައްޑޫސިޓީގައި ކާބޯތަކެތީގެ ހިދުމަތްދޭ ތަންތަން ބަލައި ޗެކު ކުރުމުގެ މަސައްކަތް ފަށައިގެން ކުރިއަށް ދާ ކަމަށް އައްޑޫ އެކުއެޓޯރިއަލް ހޮސްޕިޓަލް (އޭއީއެޗް) އިން ބުނެފިއެވެ.
އޭއީއެޗް އިން މިމަހުގެ 3 ވަނަ ދުވަހު ނެރުނު އިއުލާނެއްގައި ބުނެފައިވަނީ އެ ހޮސްޕިޓަލުގެ ޕަބްލިކް ހެލްތް ސާވިސަސްގެ ފަރާތުން އެ ސިޓީގެ ކާބޯތަކެތީގެ ހިދުމަތްދޭ ތަންތަން ބަލައި ޗެކް ކުރުމަށް ރެންޑަމް އިންސްޕެކްޝަނެއް ކުރިއަށް ގެންދިއުމަށް ނިންމާފައިވާ ކަމަށެވެ.
މި އިންސްޕެކްޝަން ފެށުމަށް ހަމަޖެހިފައިވަނީ ޖުލައި 3 ވަނަ ދުވަހުން ފެށިގެން ކަމަށް ވެސް އެ ހޮސްޕިޓަލުން ވަނީ ބުނެފައެވެ.
މީގެ އިތުރުން ދާދި ފަހުން ވަނީ ކާބޯތަކެތީގެ ރައްކާތެރިކަމާއި ގުޅޭ ގޮތުން އައްޑޫގައި ޕްރޮގްރާމެއް ވެސް ކުރިއަށް ގެންގޮސްފައެވެ.