ތަޢުލީމީ ދާއިރާގެ މާސްޓަ ޕްލޭން މި އަހަރުގެ ފުރަތަމަ ކުއާޓަރުގެ ތެރޭގައި އާންމު ކުރަން ނިންމައިފި އެވެ.
އެޑިއުކޭޝަން މިނިސްޓަރު ޑރ. އިސްމާއީލް ޝަފީއު ދައުލަތުގެ މީޑިއާ، ޕީއެސްއެމްގައި ވިދާޅުވީ ތަޢުލީމީ ދާއިރާގެ މާސްޓަ ޕްލޭންގެ ދަށުން ސަރުކާރުގެ ޑިޖިޓަލް ޓްރާންސްފޮމޭޝަންގެ މުހިންމު ކަންތައްތަކެއް ތަޢުލީމީ ދާއިރާއިން ތަންފީޒު ކުރުމަށް ހަމަޖެހިފައިވާ ކަމަށެވެ.
އޭގެ ތެރެއިން އެންމެ މުހިންމު އެއް ކަމަކީ އެ ދާއިރާއިން ޓީޗަރުން ތަމްރީން ކުރުން ކަމަށް ވެސް މިނިސްޓަރު ވިދާޅުވި އެވެ. ޝަފީއު ވިދާޅުވީ ފާއިތުވި ދެ އަހަރުގެ ތެރޭގައި ވެސް ޓެކްނޮލޮޖީ އަށް އަހުލުވެރި ޓީޗަރުން ބިނާކުރުމަށް ގިނަ މަސައްކަތްތަކެއް ކުރެވިފައިވާކަ މަށެވެ. އަދި ޓީޗަރުންގެ ޕްރޮފެޝަނަލް ޑިވެލޮޕްމަންޓަށް ކުރެވޭ މަސައްކަތް މިއަހަރު އިތުރަށް ފުޅާ ކުރައްވާނެ ކަމަށް ވަޒީރު ވިދާޅުވިއެވެ.
ޑިޖިޓަލް ކޮމްޕިޓެންސީ ލީޑަޝިޕް މަތިކުރަމުން މިހާރު މި އަންނަނީ ތަޢުލީމީ ދާއިރާގެ މާސްޓަރ ޕްލޭންގެ ދަށުން،" މިނިސްޓަރު ވިދާޅުވި އެވެ. "މި އަހަރުގެ ފުރަތަމަ ކުއާޓަރގެ ތެރޭގައި މާސްޓަ ޕްލޭން ތަޢާރަފު ކުރާނަން. ހަމައެއާއެކު ޔުނިސެފާއި ގުޅިގެން ވެސް މިދާއިރާ ތަރައްޤީކުރުމަށް ވަރަށް ގިނަ މަސައްކަތް އެބަ ކުރެވޭ."