ފ. އަތޮޅު ނިލަންދޫ ކުނިގޮނޑުގައި މިއަދު ހަވީރު އަލިފާނުގެ ހާދިޘާއެއް ހިނގައިފިއެވެ.
މިއަދު ހަވީރު 5 ޖަހާކަންހާއިރު ރޯވި މި އަލިފާނގަނޑު ގާތްގަޑަކަށް 45 ވަރަކަށް މިނެޓުގެ ތެރޭގައި ނިއްވާލާފައިވާ ކަމަށާއި މިހާދިޘާހިނގީ ކުދިބަޔަކު ގޮނޑުގައި ރޯކޮށްލުމުން ކަމަށް ތުހުމަތުކުރެވޭ ކަމަށް އެރަށުން ބުނެއެވެ.ނަމަވެސް އެއީ ކޮން ބައެއްކަން އަދި ނޭނގޭ ކަމަށްވެސް ނިލަންދޫއިން ބުނެއެވެ.
ރަށުގެއިރުއުތުރު ފަރާތުގައި އޮންނަ މި ކުނިގޮނޑުގެ ދިގުމިނުގައި 500ވަރަކަށް ފޫޓު ހުންނަ އިރު، އެ ސަރަހައްދަކީ ގިނަ ބަޔަކުދިރިއުޅޭ ހިސާބަކަށް ވުމުން ދުމުގެ ސަބަބުން ރައްޔިތުންނަށް ދަތިތައްކުރިމަތިވެފައިވީ ނަމަވެސް، އެއްވެސް މީހަކަށް ގެއްލުމެއްލިބުނުކަމުގެ މަޢުލޫމާތެއް އަދިނުލިބެއެވެ.
މިހާދިޘާ ހިންގާފައިވާ އިރު، މިދިޔަ އަހަރުގެ ކުރީކޮޅު ވަނީ އެރަށު އާޘާރީ ސަރަހައްދު ނުވަތަމަރިޔާދުގޭގައިވެސް އަލިފާނުގެ ހާދިޘާއެއް ހިނގާ، އެތަން އެއްކޮށް ވަނީ އަނދައި ހުލިވެފައެވެ.