އިންޑިއާގެ ޕަންޖާބުގައި ދަންޖެހިގެން މަރުވެފައި ހުއްޓާ ފެނުނު ފުލުސް މީހާ، ސްޓޭޝަން އިންސްޕެކްޓަރ އަޙުމަދު ބިލާލުގެ ހަށިގަނޑު މިއަދު ހެނދުނު މާލެ ގެނެސްފިއެވެ. އެމަރްޙޫމް ވަޅުލުން އޮތީ މިއަދު ހަވީރު ޢަސްރު ނަމާދަށްފަހު ހުޅުމާލެ ސަހަރާގައެވެ.
ބިލާލު ދަންޖެހިގެން މަރުވުމާއި ގުޅިގެން ދިވެހި ފުލުހުންގެ ޓީމެއްވަނީ ޕަންޖާބަށް ގޮސްފައެވެ. ނަމަވެސް އެކަމާއި ގުޅިގެން އަދި އެއްވެސް އިތުރު މަޢުލޫމާތެއް ފުލުހުން ޙިއްސާ ކޮށްފައެއް ނުވެއެވެ.
މަރުވެފައި ހުއްޓާ ފެނުނު އަޙުމަދު ބިލާލު، މޯލްޑިވްސް ޕޮލިސް ސަރވިސަސް ގައި މަސައްކަތް ކުރަމުން ގެންދިޔައީ ފޮރެންސިކް ޑިޕާޓްމެންޓުގައެވެ. މަރުވިއިރު، އޭނާއަކީ ޕަންޖާބުގެ ލަވްލީ ޕްރޮފެޝަނަލް ޔުނިވަރސިޓީގައި ފޮރެންސިކް ސައިންސް އިން މާސްޓާރސް ހަދަމުން ދިޔަ ދަރިވަރެކެވެ.