ވެލާނާ އިންޓަނޭޝަނަލް އެއާޕޯޓް އިން އެފްކޮމް ކާގޯއާ ގުޅިގެން ޗާޓަޑް ޝެޑިއުލް ކާގޯ ހިދުމަތް ފަށައިފިއެވެ.
މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) އިން ބުނީ، އެފްކޮމް ކާގޯއާ ގުޅިގެން ޗާޓަޑް ޝެޑިއުލް ކާގޯ ހިދުމަތް ފަށާފައިވާ އިރު، އިންޑިއާގެ ޗެންނާއީން ފުރި އެފްކޮމް ކާގޯގެ ފުރަތަމަ ފްލައިޓް އައިސްފައިވާ ކަމަށެވެ. އެ ގޮތުން އެ ފްލައިޓުން 20 ޓަނުގެ ކާގީ ވީއައިއޭއަށް އެތެރެކޮށްފައިވާ ކަމަށް އެމްއޭސީއެލް އިން ބުނެއެވެ.
މި ކާގޯ އެކްސްޕޯޓްކޮށްފައި ވަނީ އެތިހާދު އެއާވޭސްގެ ފްލައިޓެއް މެދުވެރިކޮށެވެ.
އެފްކޮމް ކާގީ އިން ހަފްތާއަކު 3 ފްލައިތް އޮޕަރޭޓް ކުރުމަށް ހަމަޖެހިފައިވާ އިރު، ކުރިއަށް އޮތް ތަނުގައި އޮޕަރޭޝަންތައް އިތުރަށް ފުޅާކުރަން ރާވާފައިވާ ކަމަށް އެމްއޭސީއެލް އިން ބުނެއެވެ.
އަދި ވީއައިއޭ މެދުވެރިކޮށް ކާގޯ މޫވްމަންޓް ހަރުދަނާކުރުމުގެ މަގްސަދުގައި ބޮޑެތި އެއާލައިންތަކާއެކު އިންޓަލައިން އެއްބަސްވުންތައް ގާއިމްކުރުމުގެ މަސައްކަތް ވެސް އެފްކޮމް އެއާލައިންސް އިން ކުރަމުން އަންނަ ކަމަށް އެމްއޭސީއެލް އިން ބުނެއެވެ.