ފެނަކަ ކޯޕަރޭޝަން ލިމިޓެޑުގެ ޑެޕިއުޓީ މެނޭޖިން ޑިރެކްޓަރުގެ މަގާމުގައި ހުންނެވި ހުސެއިން ޒުހުރީ އެ މަގާމުން މިއަދު އިސްތިއުފާ ދީފި އެވެ.އޭނަ އިސްތިއުފާ ދެއްވުމާ ގުޅިގެން ފެނަކަ އިން މިއަދު ސޯޝަލް މީޑިއާ ޕޯސްޓެއްގައި ވަނީ ފާއިތުވި ތަނުގައި ކުންފުންޏަށް ޒުހުރީ ކޮށް ދެއްވި ހިދުމަތަށް ޝުކުރު އަދާކޮށްފަ އެވެ.އޭނަ އިސްތިއުފާ ދެއްވި ނަމަވެސް މިކަމާ ގުޅޭ އިތުރު ތަފުސީލެއް ނުލިބެ އެވެ.ފެނަކައިގެ ޑެޕިއުޓީ މެނޭޖިން ޑިރެކްޓަރުކަމުން ޒުހުރީ މިއަދު އިސްތިއުފާ ދެއްވިއިރު، އެ ކުންފުނީގެ މެނޭޖިން ޑިރެކްޓަރުގެ މަގާމުގައި ހުންނެވި، މުއާޒް މުހައްމަދު ރަޝީދު ވަނީ މިދިޔަ ޑިސެމްބަރު 23، ގައި އެ މަގާމުން އިސްތިއުފާ ދީފަ އެވެ.