ޙަބީބް ބޭންކު ކުރިން ހުރި ބިން ކޮންނަނިކޮށް އެތައް ޒަމާނެއްވެފައިވާ ބޮޑުބަޑިއެއް ފެނިއްޖެއެވެ.
ތަރިކަ ދިރާސާކުރާ މަރުކަޒުން ވިދާޅުވީ މި ބަޑި ފެނިފައިވަނީ މާލޭގެ ޗާންދަނީމަގާއި ދަނބުގޯޅި ގުޅޭ ކަންމަތީގައި، ކުރިން ހަބީބް ބޭންކު ހުރި ބިމުގައި އިމާރާތެއް އަޅަން ކޮންނަމުން ދަނިކޮށްކަމަށެވެ. އަދި އެ ބަޑި މިހާރު ވަނީ ތަރިކަ ދިރާސާ ކުރާ މަރުކަޒުގެ ބެލުމުގެ ދަށަށް ގެނެސްފައިކަމަށްވެސް އެ މަރުކަޒުން ވިދާޅުވެއެވެ.
"މި މަރުކަޒަށް މި ބޮޑުބަޑި ގެނެސްދިނުމުގައި އެހީތެރިކަން ފޯރުކޮށްދެއްވި ފެޑޯ ކޮންސްޓްރަކްޝަން ކޮންޕެނީއަށާއި ރައްޔިތުންގެ މަޖިލީހުގެ މައްޗަންގޮޅީ މެދު ދާއިރާގެ މެންބަރު އަޙްމަދު ޟަމީރުއަށް މި މަރުކަޒުގެ ފަރާތުން ޝުކުރު ދަންނަވަން" ސޯޝަލް މީޑިއާގައި ހިއްސާކުރެއްވި ޕޯސްޓެއްގައި ހެރިޓޭޖުން ވިދާޅުވިއެވެ.
ހަބީބް ބެންކު ހުރި ބިން ކޮންނަނިކޮށް ފެނުނު ޒާތުގެ ބޮޑުބަޑި މިހާރުވެސް ދާރުލްއާސާރާއި އަދި ބައެއް އާސާރީ ތަންތަނުގައި ފެންނަން އެބަހުއްޓެވެ.