އުރީދޫ މޯލްޑިވްސްގެ 20 ވަނަ އަހަރީ ދުވަހާ ގުޅުވައިގެން ކުރިއަށްގެންދާ ލިވް އަންލިމިޓެޑް ކެމްޕެއިންގެ ދަށުން އުމްރާ ދަތުރު ލިބުނު 10 ވަނަ ނަސީބުވެރިޔަކަށް ގދ. ވާދޫ، އިބްރާހިމް ވަޖްދީ ހޮވިއްޖެ އެވެ.
އުރީދޫ ހެޑްކުއާޓާސްގައި އިބްރާހިމް ވަޖްދީގެ ފަރާތުން އުމްރާ ދަތުރާ ހަވާލުވީ މުހައްމަދު އިބްރާހިމް އެވެ. ލިވް އަންލިމިޓެޑް ކެމްޕެއިންގެ ދަށުން ކޮންމެ 20 ދުވަހަކުން 19 ކަސްޓަމަރަކަށް އުރީދޫ މޯލްޑިވްސް އިން އުމްރާ ދަތުރެއް ދިނުމަށް ވަނީ ހަމަޖެހިފަ އެވެ.
މި ކެމްޕޭނަކީ އުރީދޫގެ ކާމިޔާބީގެ ފަހަތުގައި ތިބި ކަސްޓަމަރުންނާއި، ހިދުމަތް ދިނުމުގައި ކެނޑިނެޅު މަސައްކަތް ކުރަމުންދާ މުވައްޒަފުންގެ އަގު ވަޒަންކުރާ ކެމްޕެއިނެއް ކަމަށް އުރީދޫ އިން ބުންޏެވެ.