ބޯކޮށް ވާރޭ ވެހޭނެކަމަށް ލަފާކޮށް، ރާއްޖޭގެ އުތުރުން ށ.އަތޮޅުން ފެށިގެން ފ.އަތޮޅާއި ހަމައަށް ރީނދޫ ސަމާލު ނެރެފިއެވެ.
ނޭޝަނަލް މީޓިއޮރޮލޮޖިކަލް ސާވިސް އިން ނެރެފައިވާ މޫސުމާއި ބެހޭ އެލާޓްގައި ބުނެފައިވަނީ، މިއަދުގެ ހަވީރު 17:00 އިން ފެށިގެން މިރޭގެ 21:00 އާއި ހަމައަށް މިސަރަހައްދަށް ބޯކޮށް ވާރޭވެހޭނެކަމަށް ލަފާކުރެވޭ ކަމަށް ބުނެފައެވެ.
އަދި ގުގުރުމާއެކު، ވިލާގަނޑުގައި ގަޑިއަކު 40 މޭލަށް ވައިގަދަވެ، ކަނޑުތައް ވަރަށް ގަދަވާނެ ކަމަށް ލަފާ ކުރެވޭ ކަމަށްވެސް މެޓް އޮފީހުން ބުނެފައިވެއެވެ.