ހުޅުމާލެ ފޭސް2 ގައި ސްޓެލްކޯއިން ދެމުން ގެންދާ ކަރަންޓުގެ ހިދުމަތުގެ ފެންވަރު ރަނގަޅު ކުރުމަށް މިއަދު ކުރިއަށް ގެންދިއުމަށް ހަމަޖައްސާފައިވާ މަސައްކަތް ފަށައިފިއެވެ.
ސްޓެލްކޯއިން ބުނެފައިވަނީ ހުޅުމާލޭގެ ދެވަނަ ފިޔަވަހީގައި ކުރަމުންދާ އިމާރާތްތަކަށް ކަރަންޓު ފޯރުކޮށްދިނުމަށްޓަކައި އެކުންފުނިން ގާއިމްކޮށްފައިވާ ވަގުތީ ޑިސްޓްރިބިއުޝަން ވިއުގަ އަޕްގްރޭޑް ކުރުމުގެ މަސައްކަތްތައް ކުރިއަށްދާ ކަމަށެވެ.
މި މަސައްކަތް ކުރުމަށްޓަކައި ހިޔާ ޓަވަރު 1 އިން 8 އަށް މިވަގުތު ކަރަންޓުގެ ހިދުމަތް މެދުކަނޑާލެވިފައިވާ ކަމަށްވެސް ސްޓެލްކޯއިން ބުނެފައިވެއެވެ. ސްޓެލްކޯއިން ބުނެފައިވަނީ މަސައްކަތް ނިމުނުހާ އަވަހަކަށް ހިޔާގެ ޓަވަރުތަކަށް އަލުން ކަރަންޓު ދެވިގެންދާނެ ކަމަށެވެ.
ސްޓެލްކޯއިން މީގެކުރިން މައުލޫމާތު ދީފައިވާގޮތުން މި މަސައްކަތް ކުރުމަށް ހިޔާ ޓަވަރު 9 އިން 16 އަށް މެންދުރުފަހު 2:00 އިން 3:30 އަށް ކަރަންޓުގެ ހިދުމަތް މެދުކެނޑުމަކީ އެކަށީގެންވާ ކަމެއް ކަމަށެވެ.