އިދިކޮޅު އިއްތިހާދުން މިއަދު އެމްޑީޕީ ހަރުގެ ސަރަހައްދުގައި ކުރިއަށް ގެންދިޔަ ހަވީރު ސަޔަށް ފުލުހުން ހުރަސް އަޅައި އެ ހަރަކާތް ހުއްޓުވައިފި އެވެ.
ފުލުހުން ބުނީ މި ސައި، ހުއްޓުވީ މަގުމަތީގައި ދުއްވާ އެއްޗެއްސަށާއި ހިނގާ މީހުންނަށް އުނދަގޫވާ ގޮތަށް މަގުމަތީގައި މޭޒުޖަހައިގެން އެކަން ކުރިއަށް ގެންދިޔުމުން ކަމަށެވެ. މިފަދަ ހަރަކާތެއް ކުރިއަށް ގެންދަން އެމްޑީޕީ އިން ހުއްދަ ނުހޯދާ ކަމަށް ފުލުހުން ބުންޏެވެ. އެ ސަރަހައްދަށް ކޮންމެވެސް ވަރަކަށް މީހުން އެއްވި ނަމަވެސް، އެއްވެސް މީހަކު ހައްޔަރެއް ނުކުރެ އެވެ.
މި ސައި، ހުއްޓުވުމުން ބައެއް މީހުން ފުލުހުންނާ ދެކޮޅަށް ނުރުހުން ފާޅުކޮށް، އަޑުއުފުލި އެވެ.