ރައްޔިތުންގެ މަޖިލީހުގެ ރައީސް އަބުދުﷲ މަސީހު މުހައްމަދުގެ އިތުބާރު ނެތްކަމުގެ މައްސަލައާއި ގުޅިގެން މެންބަރުނަށް ބިރު ނުދެއްކޭނެކަމަށް ކުރީގެ ރައީސް އަދި ޕީޕީއެމްގެ ރައީސް މައުމޫން އަބުދުލްގައްޔޫމް ވިދާޅުވެއްޖެއެވެ.
ރައީސް މައުމޫން މިހެން ވިދާޅުވީ އެމަނިކްފާނު ކުރައްވާފައިވާ ޓްވީޓެއްގައެވެ.
ރައީސް މައުމޫންގެ ޓްވީޓްގައި ވިދާޅުވީ މަޖިލީހުގެ ރައީސްގެ އިތުބާރު ނެތްކަމުގެ މައްސަލާގައި ވޯޓް ދެއްވުމަކީ މެންބަރުނަށް އޮތް ހައްގެއްކަމަށެވެ. އަދި އެކަމާއި ގުޅިގެން މަޖިލީސް މެންބަރުނަށް ބިރު ނުދެއްކޭނެކަމަށް މައުމޫން ވިދާޅުވިއެވެ.