ލ.ގަމު ރިވެރީސް ހޮޓެލު ގައި މަސައްކަތްކުރާ ޑައިވިންގ އިންޓްރަކްޓަރެއްގެ އަންޑަރވޯޓަރ ކެމެރާއެއް ވަގަށް ނެގި ކަމަށް ރިޕޯރޓް ކުރިތާ 3 ގަޑި އިރުތެރެގައި ފުލުހުން އެކެމެރާ ހޯދައި އެވައްކަން ކުރި މީހާ ހައްޔަރުކޮށްފި އެވެ.
މިމައްސަލަ އާއި ގުޅިގެން ހައްޔަރުކޮށްފައި ވަނީ 19 އަހަރުގެ ޒުވާން ފިރިހެނެއް ކަމަށާއި އޭނާ އަކީ މީގެ ކުރިންވެސް ކުށުގެ ރެކޯޑް އޮންނަ މީހެއްކަމަށް ފުލުހުން މައުލޫމާތު ދީފައިވެ އެވެ..
މިއަދު މެންދުރު ފަހުގެ ވަގުތެއްގައި ފުލުހުންނަށް މިމައްސަލަ ހުށަހެޅުމާއެކު ފުލުހުން ހިންގި އޮޕަރޭޝަނެއްގައި މިކެމެރާ ހޯދާފައި ވަނީ އެރަށު ވަލުތެރޭގައި ފޮރުވާފައި އޮއްވައެވެ.
މިމައްސަލާގައި ފުލުހުން ހޯދާފައިވާ ކެމެރާއަކީ 430 ޔޫއެސް ޑޮލަރުގެ އަގުހުރި ކެނޯން ޕަވަރ ސޮޓް އެސް 95 ގެ ކެމެރާއެކެވެ. އަދި އޭގެ ހައުސިންގ ޕަޓިމާ އެސް 95 ގެ އަގަކީ 613 ޔޫއެސް ޑޮލަރެވެ.
މިމައްސަލަ މިހާރު ފުލުހުން ދަނީ ތަޙްޤީޤު ކުރަމުންނެވެ.