ސްޓެލްކޯ އިންޖީނުގެއަށް ކަނޑުން ފެން ނަގައިދޭ ހޮޅި މަރާމާތު ކުރާނެ ބަޔަކު ހޯދަން އިއުލާނު ކޮށްފި އެވެ.
އިންޖީނުގޭގެ ފިނި ހޫނު މިން ހިފެހެއްޓުމަށްޓަކައި ފެން ބޭނުން ކުރަންޖެހެ އެވެ. މިކަން ކުރަނީ ކަނޑުން ލޮނު ނަގައި ނަގައިގެން އެއިން ފެން ބޭނުން ކޮށްގެންނެވެ.
ސްޓެލްކޯއިން ކޮށްފައިވާ އިއުލާނެއްގައި ބުނި ގޮތުގައި އެ ކުންފުނީގެ ސީވޯޓާ އިންޓޭކް ޕައިޕް ރިޕެއާކޮށް އަދި އެންކާ ކުރުމުގެ މަސަތްކަތް ކޮށްދޭނެ ފަރާތެއް ހޯދުމަށް ބޭނުންވާ ކަމަށެވެ.
މި މަސައްކަތް ކޮށްދޭން ޝައުގުވެރިވާ ފަރާތް ތަކަށް ބިޑް ޑޮކިއުމެންޓް ވިއްކާ އަގަކީ 1,542 އެވެ. އެ ފައިސާ ބަލައި ގަތުން އޮންނާނީ މިމަހުގެ 11 ވަނަ ދުވަހު އެވެ. މައުލޫމާތު ސާފު ކުރުން މި މަހުގެ 25 ގައި އޮންނައިރު، ބިޑް ހުށަހެޅުން އޮތީ އަންނަ މަހުގެ އަށް ވަނަ ދުވަހު އެވެ.
އިވޭލުއޭޓް ކުރާއިރު ބަލާނެ ކަންތައްތައް
އަގަށް: 70 ޕޮއިންޓްތަޖުރިބާ: 30 ޕޮއިންޓްމި ފަދަ މަސައްކަތެއް ކޮށްފައިވާނަމަ މަސައްކަތް ކުރިކަމުގެ ލިޔުންތަކަށް ބަލާނެމުއްދަތު: 6 މަސް ދުވަހަށް
މި މަސައްކަތް ކުރަން ކުރިމަތިލާ ފަރާތްތަކުގައި ހުންނަން ޖެހޭ ޝަރުތުތަކުގެ ތެރޭގައި، މި ބީލަން ހުށައަޅާފަރާތަކީ ވޭތުވެދިޔަ ފަސް އަހަރު ތެރޭގައި މަދުވެގެން ތިން މެރިން ޕްރޮޖެކްޓްގައި (މަސައްކަތުގެ އަގު ފަސް މިލިއަން ރުފިޔާ އަށްވުރެ ކުޑަ ނޫން) މަސައްކަތްކޮށް ތަޖުރިބާ ހުރި ފަރާތެއް ކަމަށްވުން ހިމެނެ އެވެ. ތަޖުރިބާ ހުރި ފަރާތެއް ކަމުގައި ބެލެވޭނީ މިފަދަ މަސައްކަތެއް ކޮށްފައިވާނަމަ މަސައްކަތް ކުރިކަމުގެ ލިޔުންތަކަށް ބަލާފަ އެވެ. މި މަސައްކަތުގެ ބިޑް ސެކިއުރިޓީގެ ގޮތުގައި 25,000 ރ. ނުވަތަ އެ އަގަށްވާ ވަރަށް އެމެރިކާ ޑޮލަރު ހުށަހަޅަން ޖެހެ އެވެ.