ވޯޓު ގުނުމުގައި އެންމެ މަތީ ދަރަޖައަށް ފަރުވާތެރިވާން ޖެހޭނެ ކަމަށާއި، އެއީ ވޯޓު ގުނުމުގައި ހެދޭ ގޯސްތަކާއި، ވޯޓުލާ މަރުކަޒުގައި ބޭނުންކުރާ ލިޔެކިޔުންތަކުގައި ޖެހޭ އަތު ކުށްތަކުން ސަލާމަތްވުމަށްޓަކައި ފަރުވާތެރިވާންޖެހޭ މިންގަނޑު ކަމަށް ހައިކޯޓުގެ އިސް ފަނޑިޔާރު އަބްދުﷲ ޖަމީލް މޫސާ ވިދާޅުވެއްޖެއެވެ. ވޯޓު ގުނުމުގައި އެންމެ މަތީ ދަރަޖައަށް ފަރުވާތެރިވާން ޖެހޭ ކަމަށް ހައިކޯޓުގެ އިސްފަނޑިޔާރު ވިދާޅުވީ، ނިމިދިޔަ ލޯކަލް ކައުންސިލް އިންތިޚާބާ ގުޅިގެން ހައިކޯޓަށް ބަލައިގަތް އިންތިޚާބީ ޝަކުވާގެ މައްސަލަތަކުގެ ތެރެއިން އެންމެ ފަހު މައްސަލައިގެ ހުކުމުގައެވެ. އެއީ ތ. ތިމަރަފުށީ ކައުންސިލްގެ އިންތިޚާބާ ގުޅޭ މައްސަލައެކެވެ. އިސް ފަނޑިޔާރު، އެ މައްސަލައިގައި ވިދާޅުވީ ވޯޓު ގުނުމުގައި އެންމެ މަތީ ދަރަޖައަށް ފަރުވާތެރިވާންޖެހޭނެ ކަމަށެވެ. އިސް ފަނޑިޔާރުގެ މި ރައުޔަށް އެ މައްސަލައިގައި ދެން ބައިވެރިވެވަޑައިގެންނެވި އަނެއް ދެ ފަނޑިޔާރުން ވެސް ތާއީދު ކުރެއްވިއެވެ. އިންތިޚާބުތަކުގެ ނަޒާހަތްތެރިކަމަކީ އެ ހައްގުތައް އަމާނާތްތެރިކަމާއެކު ރައްޔިތުންނަށް ލިބިދެވޭކަން ކަށަވަރުކޮށްދޭ ބަހާއެއް. އިންތިޚާބީ ކަންކަން ބަލަހައްޓާ އޮފިޝަލުންނަކީ ޑިމޮކްރެސީގެ އިންޖީނު ހިންގައިދޭ ހިމޭން ބާރެއް. ޚަބަރުތަކުގެ ފަލަ ސުރުޚީތަކުން ކެންޑިޑޭޓުންނާއި ކެމްޕޭންތަކުގެ ވާހަކަ ފެނުނުކަމުގައި ވިޔަސް، "ރައްޔިތުންގެ ނިންމުން" ނުވަތަ ރައްޔިތުން އެދޭގޮތް ހަގީގަތަކަށް ވަނީ ވޯޓު ގުނުމުގައި ކުރެވޭ ފަރުވާތެރި އަދި ބުރަ މަސައްކަތުގެ ތެރެއިން، އިސްފަނޑިޔާރު ޖަމީލް އިސްފަނޑިޔާރުގެ ރައުޔުގައި އިތުރަށް ވިދާޅުވެފައިވާ ގޮތުގައި އިންތިޚާބެއްގެ ސައްހަކަން ކަށަވަރުކުރުމުގެ މުހިއްމުކަން ގުޅިފައި ވަނީ، ވަކި ގޮނޑިއެއް ކާމިޔާބުކުރީ ކޮން ކެންޑިޑޭޓެއްތޯ ނިންމުމުގެ އިތުރަށް، އެ ގޮނޑި ކާމިޔާބުކުރި ފަރާތަކީ ގާނޫނީ ގޮތުން ސައްހަ ގޮތުގައި އެ ގޮނޑި ކާމިޔާބުކުރި ފަރާތްކަން ރައްޔިތުން ބަލައިގަތުމުގެ އަސާސްގެ މައްޗަށެވެ. އިންތިޚާބީ އޮފިޝަލުންނަކީ މި ބަޔާންކުރި އިތުބާރާއި ސައްހަކަން ދެމެހެއްޓުމުގެ އެންމެ އިސް ފާރަވެރިން ކަމަށް އިސްފަނޑިޔާރުގެ ރައުޔުގައި ވިދާޅުވެފައި ވެއެވެ. އިންތިޚާބީ ޝަކުވާތައް ބަލަނީ އިންތިޚާބުތަކާ ބެހޭ އާންމު ގާނޫނުގެ ދަށުންނެވެ. މީގެ އިތުރުން ކޮންމެ އިންތިޚާބަކަށް ހެދޭ ޚާއްސަ ގާނޫނުތަކާއި ގަވާއިދުތަކަށް ވެސް އަމަލުކުރަން ޖެހޭނެއެވެ. އިންތިޚާބުގެ އިދާރީ ކަންކަމާ ގުޅޭ ޝަކުވާތައް ފުރަތަމަ ހުށަހަޅަން ޖެހޭނީ އިލެކްޝަންސް ކޮމިޝަނަށެވެ. އެއަށް ފަހު، އިންތިޚާބީ މައްސަލަތައް ބެލުމުގެ ފުރަތަމަ މަރުހަލާގެ އިހުތިސޯސް އޮންނަނީ ހައިކޯޓަށެވެ. އާންމު ގޮތެއްގައި އިންތިޚާބީ ޝަކުވާ ހުށަހެޅުމަށް އޮންނަނީ ވަރަށް ކުރު މުއްދަތެކެވެ. އިންތިޚާބުގެ ރަސްމީ ނަތީޖާ އިއުލާންކުރާތާ 14 ދުވަހުގެ ތެރޭގައި މައްސަލަ ހުށަހަޅަން ޖެހޭނެއެވެ.