އަންހެން މެމްބަރުން ގިނަކުރުމަށް އިންޑިއާގެ ގާނޫނު ހަދާ މަޖިލީހުގެ ތިރިގެ، ލޮކް ސަބާގެ ގޮނޑިތައް އިތުރުކުރަން ސަރުކާރުން ހުށަހެޅި ބިލު ފާސްކުރަން ބޭނުންވާ ތިންބައިކުޅަ ދެބައިގެ އަޣުލަބިއްޔަތު ނުލިބި އިއްޔެ އެ ބިލު ފެއިލްވެއްޖެއެވެ.
އިންޑިއާގެ ގާނޫނު ހަދާ މަޖިލީހުގައި އަންހެނުންނަށް 33 އިންސައްތަ ގޮނޑި ޚާއްސަކުރުމުގެ ބިލަކީ އެތައް އަހަރެއް ވަންދެން ސިޔާސީ ގޮތުން ބޮޑެތި ބަހުސްތަކެއް ކުރެވިފައިވާ މައްސަލައެކެވެ. އެގޮތުން 2023 ވަނަ އަހަރު ތާރީޚީ ގޮތުން މި ބިލު ފާސްކުރެވުނު ނަމަވެސް، އެ ގާނޫނަށް އަމަލުކުރަން ފެށުން ގުޅިފައިވަނީ އިންޑިއާގައި ދެން އެންމެ އަވަހަށް ނަގާ ބޯހިމެނުމަކާއި، އެއަށްފަހު އިންތިޚާބީ ދާއިރާތައް އަލުން ކަނޑައެޅުމުގެ (ޑީލިމިޓޭޝަންގެ) މައްޗަށެވެ.