އަހުރެން މިދައްކަނީ ހަމައެކަނި ތަނަވަސް މީހުންގެ ވާހަކައެއް ނޫނެވެ. ވާހަކަ މިދައްކަނީ ތަނަވަސް މީހުންގެ ތެރޭގައި ނުހިމެނޭ މީހުންވެސް ހިމަނައިގެންނެވެ. ﷲ ތަޢާލާ ތިމާގެ އަތަށް ދެއްވެވި ފައިސާއިން އެއްވެސް މިންވަރެއް ﷲ ތަޢާލާ ޙަރާމްކުރައްވަވާފައިވާ ކަމެއް ކުރަން ބޭނުން ނުކުރާށެވެ! އެއިރުން އެކުރެވެނީ ތިމާއާއި ﷲ ތަޢާލާ އާއި އޮތް ގުޅުން ކަނޑާލުން ފަދަ ބޮޑުފާފައެކެވެ!   
އަގުދީގެން ފާޙިޝް ޢަމަލުތައްކުރާ މީހުންނާއި ބަނގުރަލާއި މަސްތުވާތަކެތި ބޭނުންކުރާ މީހުންނާއި އަދި އެނޫންވެސް ﷲ ތަޢާލާ ޙަރާމްކުރައްވަވާފައިވާ ކަންކަން ކުރާ މީހުން މިކަމަށް ވަރަށް ބޮޑަށް ސަމާލުކަންދޭންވާނެއެވެ.  
ހަމައެއާއިއެކު ބުނެލާނަމެވެ! ﷲ ތަޢާލާ ޙަރާމްކުރައްވަވާފައިވާ ކަމެއް ކުރަންޖެހޭނަމަ އެވަޒިފާއަކުން އަވަހަށް ވަކިވާށެވެ! މާރަނގަޅު ވަޒީފާއެއް ދެއްވަވާނެތެވެ! ބައިވެރިޔާގެ ކިބައިން މިފަދަ މައްސަލަތައް ކުރިމަތިވާނަމަ އަވަހަށް އެމީހަކާއި ވަކިވާށެވެ! މާރަނގަޅު ބައިވެރިއަކު ދެއްވަވާނެތެވެ! އިން ޝާ ﷲ  
އަދިވެސް ބުނެލާނަމެވެ. ޙަރާމް ގޮތުގައި ލިބޭ ގިނަ ފައިސާތަކުން ކުރާނެ ފައިދާއަށްވުރެ ހަލާލު ގޮތުގައި ލިބޭ މަދުއެތިކޮޅުން ކުރާނެ ފައިދާ މާބޮޑުވާނެއެވެ. އެއީ އެމަދުއެތޮޅުގައި ﷲ ތަޢާލާ ބަރަކާތް ލައްވަވާނެތީއެވެ. އެކަމަށް ތިބާ ރުހުނީތީ ﷲ ތަޢާލާ ތިބާއަށް ރުހިވޮޑިގަންނަވާނެތީއެވެ. އިން ޝާ ﷲ
 
- މަޢުލޫމާތު: މުފްތީ މެންކުގެ ދަރުސަކުން