ނަތިންގ އިން ރަސްމީކޮށް ނަތިންގ ފޯން 3 އިއުލާނުކޮށް ލޯންޗްކުރާ ތާރީހަކަށް 2025 ޖުލައި 1 ހަމަޖައްސައިފިއެވެ. މިއީ މި ކުންފުނިން ފްލެގްޝިޕް ސްމާޓްފޯން މާކެޓަށް ފުރަތަމަ ފަހަރަށް ނެރޭ ފޯނެވެ. ސީއީއޯ ކާލް ޕެއި ގޫގުލްގެ އެންޑްރޮއިޑް ޝޯ: އައި/އޯ އެޑިޝަންގައި ހާމަކޮށްފައިވަނީ އައު ފޯނުގެ އަގު £800 (ގާތްގަނޑަކަށް 1,080 އެމެރިކާ ޑޮލަރު) ގައި ހުންނާނެ ކަމަށް – މިއީ ކުރީގެ ފޯން 2 ގެ އަގު £580 (600 އެމެރިކާ ޑޮލަރު) އާ އަޅާބަލާއިރު ވަރަށް ބޮޑު އިތުރުވުމެކެވެ.
ޕެއި ވިދާޅުވި ގޮތުގައި މަތީ އަގު ދައްކުވައިދެނީ ”އޯލް-އިން“ އެޕްރޯޗެއް ކަމަށާއި، މީގެ ތެރޭގައި ޕްރީމިއަމް މެޓީރިއަލްސް، މައިގަނޑު ޕަރފޯމަންސް އަޕްގްރޭޑްތައް، އަދި ރަނގަޅުކުރެވިފައިވާ ސޮފްޓްވެއަރ ހިމެނޭ ކަމަށެވެ. މިކަމުން ނަތިންގގެ އެޕަލް އަދި ސެމްސަންގ ފަދަ ކުންފުނިތަކާ ކޮލިޓީ އަދި އަގުގެ ގޮތުން ވާދަކުރުމުގެ އަމާޒު ދައްކުވައިދެއެވެ. ފޯން3 ގެ މައިގަނޑު އެއް ބަދަލަކަށް ގްލިޕް އިންޓަރފޭސް ގެ ބަދަލުގައި ދެން ބޭނުން ކުރާނީ ގްލިޕް މެޓްރިކްސް އެއްކަން މިހާރު ވަނީ ޔަގީންވެފައެވެ.
ކުރިން ސްޓައިލިޝް މެދު ފަންތީގެ ފޯނުތަކަށް މަޝްހޫރުވެފައިވާ ނަތިންގ އިން ވަނީ 2025 މާރޗް މަހު ފޯން 3އޭ އަދި 3އޭ ޕްރޯ ލޯންޗްކޮށްފައި، މިއީ ތަސައްވުރީ ޑިޒައިންތަކާއި އޭއައި ފީޗަރތައް އެކަށީގެންވާ އަގެއްގައި ހުށަހަޅާ ފޯނުތަކެކެވެ. ނަމަވެސް، ފޯން 3 އަކީ ކުންފުނިން ފުރިހަމަ ޕްރީމިއަމް ހެންޑްސެޓަކަށް ކުރާ ފުރަތަމަ މަސައްކަތަށް ވާނެއެވެ.
މި ފޯނާއި ބެހޭ އިތުރު ތަފްސީލްތައް ޖުލައި 1 ގެ ލޯންޗް އިވެންޓްގައި ލިބޭނެކަމަށް ބެލެވެއެވެ.
Your email address will not be published. Required fields are marked *
ހިޔާލު *
ނަން
Δdocument.getElementById( "ak_js_1" ).setAttribute( "value", ( new Date() ).getTime() );
Email: [email protected] | Phone: +960 9770541Address: M. Golden Bones, 3rd Floor, Male‘ Maldives© Copyright 2020, Dhuvas.mv, All Rights Reserved