ސިއްހީ ދާއިރާގައި މަސައްކަތް ކުރާ މުވައްޒަފުންގެ މުސާރަތައް ބޮޑު ކުރަން ނިންމާފައިވާ އިރު، އެ ބަދަލުތައް ގެންނާނީ ދިވެހިންނަށް އެކަނި ކަމަށް ނެޝަނަލް ޕޭ ކޮމިޝަންގެ ޗެއާމަން މުހައްމަދު ފައިޒަލް ވިދާޅުވެއްޖެއެވެ. ސިއްހީ ދާއިރާގެ މުވައްޒަފުންގެ މުސާރަ ބޮޑުކުރުމާ ގުޅިގެން ޕޭ ކޮމިޝަނާއި ފިނޭންސް، ހެލްތު އަދި ޖެންޑާ މިނިސްޓްރީން މިރޭ ބާއްވާ ނޫސްވެރިންގެ ބައްދަލުވުމުގައި ފައިޒަލް ވިދާޅުވީ، ސިއްހީ ދާއިރާގެ އާ ޕޭ ފްރޭމްވޯކަށް ބަދަލުވާ މުވައްޒަފުންގެ ބިދޭސީން ނުހިމެނޭ ކަމަށެވެ. "ޖުމްލަ 3،701 ދިވެހި މުވައްޒަފުން މި [ޕޭ ފްރޭމްވޯކަށް] ބަދަލުވާނެ. އޭގެ ތެރޭގައި ހިމެނެނީ ރީޖަނަލް ހޮސްޕިޓަލްތަކުގެ 520 މުވައްޒަފުންނާއި އަތޮޅު ހޮސްޕިޓަލްތަކުގެ 471 މުވައްޒަފުންނާއި ހެލްތު ސެންޓަރުތަކުގެ 965 އައިޖީއެމްއެޗްގެ 1،004 ހުޅުމާލޭ ހޮސްޕިޓަކްގެ 298 އެހެނިހެން 452 މުވައްޒަފުން،" ފައިޒަލް ވިދާޅުވިއެވެ. ތަފްސީލް އަންނަނީ...