ގަވައިދާ ޚިލާފަށް ޕާކު ކުރުމުން ކުރާ ޖޫރިމަނާ 250 ރުފިޔާއަށް ވުރެ އިތުރު ނުވާ ގޮތަށް ހަމަޖައްްސައިފިއެވެ.
މީގެ ކުރިން އޮންނަ ގޮތުން، ފުރަތަމަ ފަހަރަށް ޖޫރިމަނާގެ އަދަދަކީ 250 ރުފިޔާ ނަމަވެސް، ގަވައިދާ ހިލާފަށް ޕާކުކުރާ ދެވަނަ ފަހަރު ނަމަ 500 ރުފިޔާ އަދި އޭގެ ފަހުން އިތުރުވާ ކޮންމެ ފަހަރަކު 750 ރުފިޔާ އިން ޖޫރިމަނާ ކުރެ އެވެ.
ކުރިން މިކަން މިހެން އޮތް ނަމަވެސް އެއްގަމު ދަތުރުފަތުރުގެ ގާނޫނަށް ރައްޔިތުން ގެނައި އިސްލާހު ރައީސް އިބްރާހިމް މުހައްމަދު ޞާލިހު މިހާރު ވަނީ ތަސްދީޤު ކުރައްވާފައެވެ. އެ އިސްލާހުގައި ވާ ގޮތުން ގަވައިދާ ޚިލާފަށް ޕާކު ކޮށްގެން ޖޫރިމަނާ ކުރެވޭނެ އެންމެ ބޮޑު އަދަދަކީ 250 ރުފިޔާއެވެ.
ގާނޫނަށް އަލަށް ގެނައި އިސްލާހުތަކަށް އަމަލު ކުރަން ފަށާނީ ތިން މަސް ފަހުންނެވެ.
މި އިސްލާހުގެ ދަށުން ޓްރެފިކާ ގުޅޭ އެކި ކުށްތަކުގައި ޖޫރިމަނާގެ އަދަދު 10،000 ރުފިޔާ އަށްވުރެ އިތުރުވެފައިވާ މީހުން، އިތުރަށް ޖޫރިމަނާ ކުރުމުގެ ބަދަލުގައި ކޮމިޔުނިޓީ ސާވިސް ނުވަތަ މުޖުތަމައުއަށް ފައިދާ ކުރަނިވި މަސައްކަތެއް ކުރުވުމުގެ އަމުރަކަށް އެދި ހުށަހެޅުމުގެ ބާރު މޯލްޑިވްސް އިންލެންޑް ރެވެނިއު އޮތޯރިޓީ (މީރާ) އަށް ވަނީ ދީފަ އެވެ.