މާލޭގެ ފިހާރައަކަށް ވަދެ ސޭޓަށް ވަޅިން ބިރު ދައްކައިގެން ފައިސާތަކެއް ފޭރުނު މީހަކު ބަންދުކޮށްފިއެވެ.
ފިހާރައިގެ ވަތްގަޑުގައި ހުރި ފައިސާތައް ފޭރިގަތުމަށްފަހު އެމީހާވަނީ ފިލައިފައެވެ. ފުލުހުން ވިދާޅުވީ އޭނާ ހޯދަމުންދަނިކޮށް ފެނިފައިވަނީ ފައިސަތަކާ އެކުގައި ކަމަށެވެ. އެމީހާ ފެނިފައިވަނީ ކޮންތާކުން ކަމާއި ފޭރިގެންފައިވަނީ ކިހާ ފައިސާއެއް ކަމެއް ފުލުހުން ވިދާޅެއް ނުވެއެވެ.
މި ޙާދިސާ ހިންގާފައިވަނީ މާފަންނު ބިސްބުރު ކައިރީގައި ހުންނަ ފިހާރަކަށް ވަދެ ކަމަށް ފުލުހުން ވިދާޅުވިއެވެ. މި މައްސަލާގައި ބަންދު ކޮށްފައިވަނީ ޢުމުރުން 32 އަހަރުގެ ދިވެއްސެކެވެ.