ވިލާ އިންޓަރނެޝަނަލް ހައި ސްކޫލް އާއި ޙަމަދު ބިން ޚަލީފާ އާލްޘާނީ ސްކޫލް ގެ އޭލެވަލް ދަރިވަރުންނަށް ސައިބަރ ކްރައިމްއާ ބެހޭގޮތުން މަޢުލޫމާތު ދިނުމުގެ ސެޝަނެއް ކުރިއަށް ގެންގޮސްފިއެވެ.
ފުލުހުން ބުނީ ސެޕްޓެމްބަރ 2 ވަނަ ދުވަހުގެ ރޭގެ 09:00 ގައި ޙަމަދު ސްކޫލުގައި އޮތް މި ސެޝަންގައި ވިލާ އިންޓަރނޭޝަނަލް ހައި ސްކޫލާއި ޙަމަދު ސްކޫލުން ޖުމްލަ 44 ދަރިވަރަކު ބައިވެރިވި ކަމަށެވެ.
.
މަޢުލޫމާތު ދިނުމުގެ މި ބައްދަލުވުމުގައި އިންޓަރނެޓް މެދުވެރިކޮށް ހިންގާ އެކިއެކި ކުށްތަކާއި ބެހޭ މަޢުލޫމާތާއި، ރައްކާތެރި ގޮތުގައި އިންޓަރނެޓް ބޭނުން ކުރާނެ ގޮތްތަކާއި، ބްލެކްމެއިލް ކުރުންފަދަ ކަންތައްތަކުން ރައްކާތެރި ވާނެ ގޮތްތައް ވަނީ ކިޔައި ދީފައެވެ. އަދި އެފަދަ ޙާލަތްތަކުގައި ޢަމަލު ކުރަންވީ ގޮތްތަކާއި، ފޭސްބުކް ފަދަ ސޯޝަލް މީޑިއާ ބޭނުންކުރާ ފުރާވަރު ޢުމުރުގެ ކުދިންގެ ފަރާތުން ފެންނަ ގޯސް އާދަތައް ބުނެދީ އެފަދަ ކަންކަން ނުކުރުމާއި ގުޅޭގޮތުން މަޢުލޫމާތު ދީފައިވާކަމަށް ފުލުހުން ބުނެއެވެ.
މި ސެޝަންގައި މަޢުލޫމާތު ދީފައިވަނީ ލ.ގަން ޕޮލިސް ސްޓޭޝަންގައި މަސައްކަތްކުރާ ފުލުހުންނެވެ.