ދިވެހި ސަރުކާރުގެ އެދުމުގެ މަތިން އިންޑިއާ އިން ރާއްޖެ އަށް އެތެރެކުރާ ކާޑާއި ޒަރޫރީ ބައެއް ކާބޯތަކެތީގެ ކޯޓާ އާކޮށްދީފި އެވެ.
ވީ ކިހިނެއް؟ - ރާއްޖޭގައި ހުންނަ އިންޑިއާގެ ހައިކޮމިޝަނުން މިއަދު ބުނީ އިންޑިއާ އާއި ރާއްޖެ އާ ދެމެދު އޮންނަ އެއްބަސްވުމުގެ ދަށުން، ދިވެހި ސަރުކާރުން އެދިފައިވާ އަދަދަށް ޒަރޫރީ ތަކެތީގެ ކޯޓާ އާކޮށްދީފައިވާ ކަމަށެވެ.
ތަފްސީލް - މި އެއްބަސްވުމުގެ ދަށުން އިންޑިއާ އިން ރާއްޖެ އަށް އެތެރެކުރާ ތަކެތީގެ ތެރޭ ހިމެނެނީ
ބިސް
އަލުވި
މުގު
ފިޔާ
ހަނޑޫ
ހަކުރު
ފުށް
ހިލަ
ހިލަވެލި
ހައިކޮމިޝަނުން ބުނީ މި އަހަރަށް މި ތަކެތި އެތެރެކުރަން ހުއްދަ ދިން އަދަދަކީ1981 ވަނަ އަހަރު ދެ ގައުމުގެ ދެމެދު އެއްބަސްވުން ހެދިފަހުން ކޯޓާ އެންމެ ބޮޑުކޮށްދިން އަހަރު ކަމަށެވެ.
އިންޑިއާ ހައިކޮމިޝަނުން ބުނީ
ހިލަ އާއި ހިލަވެއްޔަކީ ރާއްޖޭގެ ކޮންސްޓްރަކްޝަން ދާއިރާގެ މަސައްކަތްތައް ކުރިއަށް ގެންދިޔުމަށް މުހިއްމު ދެ ބާވަތް
އިންޑިއާ އިން އެތެރެކުރާ ހަނޑުލުގެ ކޯޓާ ވަނީ %77 އިތުރުކޮށްފައި
އެއްވެސް ސަބަބަކާ ހުރެ އިންޑިއާ އިން މި ބާވަތްތައް އެކްސްޕޯޓުކުރުން މަޑުޖައްސާލި ނަމަވެސް ރާއްޖެ އަށް އޭގެ އަސަރެއް ނުކުރާނެ
މިދިޔަ އަހަރު ވެސް އިންޑިއާއިން ވަނީ ރާއްޖެ އެތެރެކުރާ އެއްޗެހީގެ ކޯޓާ އިތުރުކޮށްފަ އެވެ.