އެމްކިއުއޭއިން އިތުރަށް ބުނިގޮތުގައި މި ޚިދުމަތަކީ އެއްވެސް ފީއެއް ނެގުމެއް ނެތި ހިލޭ ދެމުން އަންނަ ޚިދުމަތެކެވެ. އަދި ދަރިވަރުންނަށް އީމެއިލް މެދުވެރިކޮށް ނުވަތަ ސީދާ އެމްކިއުއޭއަށް ހުށަހަޅައިގެން މި ލިޔުން ހޯދުމަށް އެދެވޭނެއެވެ.
ސަރުކާރުގެ އަމާޒަކީ ޤައުމަށް ބޭނުންވާ ޓެކްނިކަލް ދާއިރާތަކުން ކިޔަވަން ބޭނުންވާ ދަރިވަރުންނަށް އެއްވެސް ލިމިޓެއް ނެތި ފުރުޞަތު ހުޅުވާލުމެވެ. އެގޮތުން ކޮންމެ އަހަރަކު ދޫކުރާ ލޯނުގެ މަދުވެގެން 50 އިންސައްތަ ޓެކްނިކަލް ދާއިރާތަކަށް ޚާއްޞަކުރުމަށް ވަނީ ނިންމާފައެވެ. މި ބަދަލުތަކާއެކު ޝަރުތު ހަމަވާ ހުރިހާ ދަރިވަރުންނަށް ލޯނު ލިބޭނެކަމުގެ ޔަޤީންކަން އޮންނާނެ ކަމަށް ސަރުކާރުން ބުނެފައިވެއެވެ.