ލ. އަތޮޅު ޔުނެސްކޯ ބަޔޮސްފިއަރ ރިޒާވެއްގެ ގޮތުގައި ކަނޑައެޅުމަށްޓަކައި، މި އަހަރުގެ ތެރޭގައި ޔުނެސްކޯއަށް ހުށަހެޅުމަށް ތައްޔާރުވަމުންދާ ކަމަށް އެންވައިރަންމަންޓް މިނިސްޓްރީން ހާމަކޮށްފިއެވެ.
ބަޔޮސްފިއަރ ރިޒާވްގެ ދަރަޖަ ފުރަތަމަ ދެވެނީ 10 އަހަރުގެ މުއްދަތަށެވެ. އެ މުއްދަތު ހަމަވުމުން، ދެމެހެއްޓެނިވި ގޮތެއްގައި އެ ދަރަޖަ ދެމެހެއްޓުމަށްޓަކައި އަލުން ސާވޭތައް ކުރިއަށްގެންގޮސް ޔުނެސްކޯއަށް ހުށަހަޅަންޖެހެއެވެ. މިކަން ކާމިޔާބުކަމާއެކު ކުރިއަށް ގެންދިއުމުގައި އެ ސަރަހައްދެއްގެ މުއައްސަސާތަކާއި ރައްޔިތުންގެ ފުރިހަމަ އެއްބާރުލުން ބޭނުންވާނެ ކަމަށް ސަރުކާރުން ފާހަގަކުރެއެވެ.