އަލަށް ކައިވެނިކުރާ މީހުންނަށް ވަލީމާ ޕާޓީ ބާއްވާނެ ޖާގަ ހިލޭ ހަމަޖައްސައިދިނުމަށް މާލޭ ސިޓީ ކައުންސިލުން މިއަދު ފާސްކޮށްފި އެވެ.
ވީ ކިހިނެއް؟ - މިގޮތަށް ފާސްކުރީ، މާލޭ ސިޓީ ކައުންސިލުން މިއަދު ބޭއްވި ރަސްމީ އާންމު ޖަލްސާގަ އެވެ. އެކަން ފާސްކުރަން ހުށަހަޅުއްވަމުން މޭޔަރު އާދަމް އާޒިމް މިއަދު ވިދާޅުވީ، އެކަމަކީ މި ދައުރުގެ އެމްޑީޕީ ކައުންސިލަރުންގެ ވަރަށް ބޮޑު ވައުދެއް ކަމަށެވެ.
ތަފްސީލް - މިއަދު ކައުންސިލުން ފާސްކުރީ، އެކަން ކުރާނެ ގޮތުގެ އުސޫލެއް ހެދުމަށް ފަހު، ވީހާ ވެސް އަވަހަކަށް އެކަން ހަމަޖައްސައިދެވޭނެ ގޮތެއް ހެދުމަށެވެ. އެހެންވެ، މުޅި ކައުންސިލުގެ އަގްލަބިއްޔަތުން ނިންމީ:
އަލަތު ކައިވެނީގެ ވަލީމާ ބާއްވަން ބޭނުންވާ ފަރާތްތަކަށް، އެކަމަށް ހާއްސަ އުސޫލެއްގެ ދަށުން މާލޭން ހިލޭ ޖާގަ ފޯރުކޮށްދޭން
ކައުންސިލުގެ ފައިނޭންސް އަދި ބަޖެޓު ކޮމިޓީ އާއި ސޯޝަލް ޖެންޑާ އަދި އެފެއާޒް ކޮމިޓީއަށް އެކަމުގެ އުސޫލު ހެދުމަށް ހަވާލުކުރަން
އެންމެ އަވަހަށް އޮންނަ ކައުންސިލް ބައްދަލުވުމުގެ ކުރިން އެ އުސޫލު ހަަދައި ނިންމަން