ދިވެހި ގައުމީ ދިދަ ބޭނުންކުރުމަކީ ދިވެހި ކޮންމެ ރައްޔިތެއްގެ ހައްގެއްކަމަށް ކުރީގެ ރައީސް އަދި ޕީޕީއެމްގެ ރައީސް މައުމޫން އަބުދުލްގައްޔޫމް ވިދާޅުވެއްޖެއެވެ.
އެމަނިކްފާނު މިހެން ވިދާޅުވީ ޕީޕީއެމްގެ ރައީސް މައުމޫން އަބުދުލްގައްޔޫމުގެ އޮފީހުގައި ނަގާފައިވާ ގައުމީ ދިދަ ނަގައިދިނުމަށް ފުލުހުން އެދިފައިވަނިކޮށް މިރޭ ކުރައްވާފައިވާ ޓްވީޓެއްގައެވެ.
ރައީސް މައުމޫން ވިދާޅުވީ ދިވެހި ގައުމީ ދިދައަކީ ދިވެހިވަންތަކަމުގެ ފަހުރުވެރި ރަމްޒުކަމަށެވެ. އެހެންކަމުން އިހްތިރާމާއިއެކު ގައުމީ ދިދަ ބޭނުންކުރުމަކީ ދިވެހި ކޮންމެ ރައްޔިތެއްގެ ހައްގެއްކަމަށް ރައީސް މައުމޫން ވިދާޅުވިއެވެ.