އާޓިފިޝަލް ބީޗަށް މޫދަށް ގޮސް އުޅެނިކޮށް ތިމަރަފުށީ ދައިރާގެ މެމްބަރު އަހުމަދު ޝަރީފުގެ މަންމަ ގެނބިގެން މަރުވެއްޖެއެވެ.
ސީއެންއެމަށް މައުލޫމާތު ލިބިފައިވާ ގޮތުގައި ތިމަރަފުށީ ދައިރާގެ މެމްބަރު އަހުމަދު ޝަރީފުގެ މަންމަ ތ.ތިމަރަފުށި މާލޭގެ އުމުރުން 68 އަހަރުގެ ސިއްތި އާދަމު ގެނބިގެން މަރުވެފައިވަނީ އޭނާގެ އަންހެން ދަރިއަކާއި އެކު ގޮސް އުޅެނިކޮށެވެ.
އެހާދިސާ ހިނގުމާއި އެކު ފުލުހުންނަށްވަނީ ރިޕޯޓުކޮށްފައެވެ. އަދި އޭނާ އޭޑީކޭއަށް ގެންދިޔައީ ވެސް ފުލުހުން ކަމަށް މައުލޫމާތު ލިބެއެވެ. އޭނާ ހޮސްޕިޓަލަށް ގެންދިޔަ އިރު ވެސް މަރުވެފައިވާ ކަމަށްވެއެވެ.