"އަޅުގަނޑުމެނަށް މިހާރު 370 އެއްހާ ބެޑް ކެޕޭސިޓީ އިތުރުކޮށްފައި، އެއާއެކު އަޅުގަނޑުމެން މިހާރު ހުޅުމާލޭ ޖަލުގައިވެސް ހޯލްޑިންގ ޖަލުގެ ސެލްތަކާއި، މާލޭ ޖަލުގެ ބަދަލުގައި ސަރުކާރުން ދެއްވާފައިވާ ހުޅުމާލޭ ކޯވިޑް ފެސިލިޓީގައި 140 މީހުންގެ ޖާގައިގެ ޔުނިޓެއް ހެދުމުގެ މަސައްކަތް އެބަކުރަން،" ޙަސަން ޒަރީރު ވިދާޅުވިއެވެ.
މީހުން ދިރިއުޅޭ އަދި ލޯކަލް ޓޫރިޒަމް ފުޅާވަމުންދާ ރަށްރަށުގައި ޖަލުތައް ހުރުމަކީ އާންމުންގެ ބޮޑު ކަންބޮޑުވުމެކެވެ. މާލޭ ޖަލު މިހާރު ހުޅުމާލެއަށް ބަދަލުކޮށްފައިވާއިރު، ކުރިން ކޯވިޑް ސެންޓަރެއްގެ ގޮތުގައި ބޭނުންކުރި ބިމުގައިވެސް މިހާރު ވަނީ ހުޅުމާލެ ޖަލުގެ ޔުނިޓެއް ހުޅުވާފައެވެ.