ހުޅުމާލޭގެ ދެވަނަ ފިޔަވަހީގެ އެމްޕީއެލް ޓަވަރާއި ދިރާގު ބިލްޑިން ފިޔަވާ ކަރަންޓުގެ ޚިދުމަތް މެދުކެނޑުނު ހުރިހާ ސަރަހައްދުތަކަށް ކަރަންޓު ދީފިއެވެ.
މިރޭގެ ވަގުތެއްގައި ހުޅުމާލޭގެ ބައެއް ސަރަޙައްދުތަކުން ވަނީ ކަރަންޓުކެނޑިފައެވެ. މިކަމާ ގުޅިގެން ސްޓެލްކޯއިން ވިދާޅުވީ ހުޅުމާލޭގެ ބައެއް ސަރަޙައްދުތަކުން ކަރަންޓުގެ ޚިދުމަތް މެދުކެނޑިފައިވަނީ ހުޅުމާލޭއަށް ކަރަންޓު ދޭ ފީޑަރ ތަކުގެ ތެރެއިން ފީޑަރެއް ޓްރިޕްވުމާއި ގުޅިގެންކަމަށެވެ.
އަދި ފުރަތަމަ ފިޔަވަހީގެ 3 ޓްރާންސްފޯމަރެއް މިހާރު އެނަޖައިޒްކޮށް ކަރަންޓުދެވިފައިވާއިރު ކަރަންޓު ނުދެވި ހުރި ސަރަޙައްދުތަކަށް ވީ އެންމެ އަވަހަކަށް ކަރަންޓު ދިނުމަށްޓަކައި ކުރަންޖެހޭ މަސައްކަތްތައް ކުރަމުންދާކަމަށްވެސް ސްޓެލްކޯއިން ވިދާޅުވެއެވެ.