ސަރުކާރުގެ މަސް ކުންފުނި މިފްކޯއިން، ޚަރަދު ކުޑަކުރުމުގެ ފިޔަވަޅެއްގެ ގޮތުން ރަސްމީ މަސައްކަތު ގަޑިން ދެ ގަޑިއިރު މަދުކުރަން ނިންމައިފިއެވެ. "ސަން"އަށް މައުލޫމާތު ލިބިފައިވާ ގޮތުގައި މިފްކޯއިން މިއަދު ނެރުނު މެމޯއެއްގައި ވަނީ އެ ކުންފުނީގެ ހެޑް އޮފީހުގެ މުވައްޒަފުން، މަސައްކަތްކުރާ ވަގުތު ކުރުކޮށްފައެވެ. މުވައްޒަފުންނަށް ފޮނުވައިފައިވާ މެމޯއެއްގައިވާ ގޮތުން މިއީ ޚަރަދުކުޑަކުރުމުގެ ގޮތުން އަޅާ ފިޔަވަޅެކެވެ. އެ ކުންފުނިން ބުނި ގޮތުގައި މިއީ "ޚާއްސަ ހާލަތު"ގެ ދަށުން އަޅަން ނިންމި ފިޔަވަޅެކެވެ. މި ޚާއްސަ ހާލަތުގެ ދަށުން އެ ކުންފުނިން ނިންމީ: ރަސްމީ މަސައްކަތު ގަޑި ހެނދުނު 08:00 އިން 16:00އަށް ކުރިން އޮތް ނަމަވެސ،ް މެންދުރުފަހު 14:00 އަށް ކުރުކުރަން ރަސްމީ ގަޑީގެ އިތުރުން، މަސައްކަތުގައި ވަގުތު ހޭދަކުރަންޖެހޭނަމަ، "ބަންދު ގަޑީގައި މަސައްކަތް ކުރުމަށް އެދޭ ފޯމް" ފުރައި އެޗްއޯޑީގެ ހުއްދަ ނަގަން ޖެހުން އިތުރު ގަޑީގެ ފައިސާ ދޭނީ، ދުވާލަކު އަށް ގަޑިއިރު މަސައްކަތް ކުރަންޖެހިއްޖެ ނަމަ، އެ އަށް ގަޑިއިރަށްވުރެ އިތުރުވެއްޖެނަމަކަން މެދުއިރުމަތީގެ ހަނގުރާމަ އަދިވެސް ކުރިއަށްދާއިރު، މި ސަރަހައްދުގެ އެކި ގައުމުތަކުން އަންނަނީ ޚަރަދުކުޑަކުރުމުގެ ފިޔަވަޅުތައް އަޅަމުންނެވެ. އެގޮތުން ސަރުކާރު މުވައްޒަފުންގެ މަސައްކަތު ވަގުތު ކުޑަކުރުމާއި، އޮފީހަށް ހާޒިރުވެ މަސައްކަތް ކުރަންޖެހޭ ދުވަސްތައް މަދުކޮށް ގޭގައި މަސައްކަތްކުރުން ފަދަ ކަންކަން އަންނަނީ ކުރަމުންނެވެ. މިފްކޯއަކީ މާލީ ހާލަތު ދަށް ކުންފުންޏެއް ވެސް މެއެވެ.