މިއަދުގެ ސަން ބަދިގެ ސެގްމެންޓްގައި ގެނެސްދޭނީ ރަމަޟާން މަހު ރޯދާވީއްލާ ވަގުތަށް ތައްޔާރުކޮށްލަން ވަރަށް ރަނގަޅު ބުއިމެކެވެ. މޭވާގެތެރެއިން ތިން ބާވަތެއް ބޭނުންކޮށްގެން ވަރަށް ފަސޭހައިން ތައްޔާރުކޮށްލެވޭ މި ޖޫހުގެ ނަމަކީ 'ލޭޔާޑް ސަންސެޓް ޑްރިންކް'އެވެ. ބޭނުންވާނެ ތަކެތި 1 ދޮން އަނބު1 އޮރެންޖް5 ނުވަތަ 6 ސްޓްރޯބެރީކުޑަ ފެންފޮދެއްޝުގަ ސިރަޕް ނުވަތަ ހަކުރު ތައްޔާރުކުރާނެގޮތް އެންމެ ފުރަތަމަ އަނބުގެ ތޮށި މަށާލުމަށްފަހު ހެޔޮވަރު ސައިޒަކަށް އަނބު ކޮށައި މިކްސަރަށް ނުވަތަ ބްލެންޑަރަށް އަޅާލާށެވެ. އަނބު ގިރާލުމަށްފަހު ތަށްޓަކަށް ގިރާފައިހުރި ޖޫސް އަޅާލާށެވެ. ދެން ސްޓްރޯބެރީތައް ދެ ފަޅިކޮށްލުމަށްފަހު ބްލެންޑަރުން ގިރާލާ ކުރިން ތައްޔާރުކޮށްފައި ހުރި އަނބު ތަށްޓައް އަޅާލާށެވެ. އަނބުގެ ތެރެއަށް ސްޓްރޯބެރީ ޖޫސްކޮޅު އަޅާލާއިރު ސަމުސަލެއް އޭގެތެރެއަށް ލުމަށްފަހު ޖޫސް އަޅަށް ސަމާލުކަންދޭންވާނެއެވެ. ހަމަ މިގޮތަށް އޮރެންޖްގެ ފަނި ވެސް ކުރިން އެޅި ސްޓްރޯބެރީ ޖޫހުގެ މައްޗަށް އަޅާލާށެވެ. މި ތިން ވައްތަރުގެ ޖޫސް ތައްޔާރުކުރާއިރު ވެސް ބޭނުންނަމަ ޝުގަ ސިރަޕް ނުވަތަ ހަކުރު އެޅިދާނެއެވެ. އަދި މާބޮޑަށް އޮލަހެން ހީވާނަމަ ފެންފޮދެއް އަޅާލާށެވެ. މި ބުއިން ތައްޔާރުކޮށް ނިމޭއިރު އިރުއޮއްސޭ ރީތި މަންޒަރު ތަސައްވަރުކޮށްލެވޭނެހާ ރީތިކޮށް މޭވާގެ ކުލަތަކުން މި ބުއިމުގެ ހިތްގައިމުކަން ފެންނާނެއެވެ.