ވައިގެ މަގުން، 2 ކިލޯއަށް ވުރެ ގިނަ މަސްތުވާތަކެތި ރާއްޖެއަށް އެތެރެކުރަން އުޅުނު ތިން މީހަކު ހައްޔަރުކޮށްފި އެވެ.
ވީ ކިހިނެއް؟ - އެ މީހުން ހައްޔަރުކޮށްފައިވަނީ މިދިޔަ ހޮނިހިރު ދުވަހު އެވެ. މި މައްސަލާގައި ހައްޔަރުކޮށްފައިވަނީ، ދިވެހި ދެ ފިރިހެނުންނާއި މެލޭޝިއާގެ އަންހެނެކެވެ. އެ މީހުންނަކީ:
ރަންޖިނި ޖީވަނަންތަން، 38، މެލޭޝިއާ 
ލޫތު އިބްރާހީމް، 29، ފުރުސަތު/ގދ. ވާދޫ 
އަހުމަދު ރިޝްމާހް، 21، ސަންލައިޓްވިލާ/ގއ. ދާންދޫ 
ތަފްސީލް - މި ތިން މީހުންގެ ތެރެއިން ރަންޖިނި ޖީވަނަންތަން ހައްޔަރުކޮށްފައިވަނީ ވެލާނާ އިންޓަނޭޝަނަލް އެއާޕޯޓުންނެވެ. ދިވެހި ދެ ފިރިހެނުން ހައްޔަރުކުރީ މާލެއިންނެވެ.
މި މީހުންގެ ބަންދާ މެދު ގޮތެއް ނިންމުމަށް ކޯޓަށް ހާޒިރުކުރުމުން ރަންޖިނި ޖީވަނަންތަންގެ ބަންދަށް 15 ދުވަސް ޖަހާފައިވެ އެވެ. އޭނާގެ ބަންދު އަމުރުގައިވާ ގޮތުން:
މަސްތުވާތަކެތި ފެނިފައިވަނީ އޭނާ ރާއްޖެ އައިރު ގެނައި ލަގެޖުން
މީނާގެ މައްޗަށް ކުރަނީ ރާއްޖެއަށް މަސްތުވާތަކެތި ޓްެރެފިކް ކުރުމުގެ ތުހުމަތު
ލޫތު އިބްރާހީމުގެ ބަންދަށް ވެސް ޖަހާފައިވަނީ 15 ދުވަަހުގެ ބަންދުގެ މުއްދަތެކެވެ. އަދި މި މައްސަލާގައި ދެން ހިމެނޭ، އަހުމަދު ރިޝްމާހުގެ ބަންދަށް ޖެހީ ފަސް ދުވަހެވެ. އޭނާގެ ބަންދަށް ފަސް ދުވަސް ޖަހާފައިވަނީ ވަކީލަކު އައްޔަންކުރަން ފުރުސަތު ދިނުމުގެ ގޮތުންނެވެ. މި ދެ މީހުންގެ މައްޗަށް ކުރަނީ މަސްތުވާތަކެތި ބޭނުންކޮށް، ގެންގުޅެ، އެ ތަކެތި ވިޔަފާރިކުރުމުގެ ތުހުމަތެވެ.
މި ދެ މީހުންގެ ބަންދު އަމުރުގައިވާ ގޮތުން:
ގެސްޓްހައުސެއް ތެރެއަށް ވަދެ، މަސްތުވާތަކެތި ހުރި ލަގެޖާއި ލޫތު އަދި ރިޝްމާހު ހަވާލުވެފައިވޭ
ފުލުހުން އެ ތަނަށް ދިއުމުން ދެ މީހުން ވެސް ފިލަން ދުއްވައިގަނެފައިވޭ؛ އަދި ކުޑަކަމުދާތަކެތި ދިނުމަށް އިންކާރުކޮށްފައިވޭ 
ފެނުނު މަސްތުވާތަކެތީގެ ބަރުދަނުގައި 2.240 ގްރާމް ހުރި