އަންހެނުންނާއި ކުޑަކުދީންތަކެއް ވެސް އަރުވައިގެން ށ. މިލަންދޫއަށް ދަތުރުކުރަމުންދިޔަ ލޯންޗެއް މިއަދު އަޑިއަށް ގޮސްފިއެވެ. ފުލުހުން ބުނީ އެ ލޯންޗު ދަތުރުކުރީ މިއަދު 14:30ހާއިރު ފުރައިގެން ށ. މިލަންދޫއަށް ދިއުމަށް ކަމަށެވެ. އެ ލޯންޗު އަޑިޔަށް ގޮސްފައިވަނީ މާކަނޑޫދޫ ކައިރިން ކަމަށް ފުލުހުން ބުންޏެވެ. މި ލޯންޗު އަޑިޔަށް ދިޔައިރު، ހަ އަންހެނުންނާއި ހަތަރު ފިރިހެނުންގެ އިތުރުން ފަސް ކުޑަކުދިން ތިބި ކަމަށް ފުލުހުން ބުންޏެވެ. ފުލުހުން ބުނީ ލޯންޗުން ދަތުރުކުރި އެންމެން ށ. މިލަންދޫ ސިއްހީ މަރުކަޒަށް ގެންގޮސް ފަރުވާދިނުމަށް ފަހު ދޫކޮށްލާފައިވާ ކަމަށެވެ. ފުލުހުން ގެންދަނީ މި މައްސަލަ ތަހުގީގު ކުރަމުންނެވެ.