ފުލުހުން ރޭ ބުނީ، ވެހިކަލް ދުއްވުން މަނާ ވަގުތުގައި ވެހިކަލް ދުއްވައިގެން 141 މީހަކަށް ނަސޭހަތްދީފައިވާ ކަމަށާއި 11 މީހަކު ޖޫރިމަނާ ވެސް ކޮށްފައިވާ ކަމަށެވެ.
އިއްޔެ ފާހަގަކުރި އަޟްހާ އީދު ދުވަހު، މާލޭގައި ވެހިކަލް ދުއްވަން މަނާކުރި ގަޑީގައި، ވެހިކަލްގައި އުޅުނު 11 މީހަކު ޖޫރިމަނާކޮށްފައިވާ ކަމަށް ފުލުހުން ބުނެފި އެވެ.
މާލެ ސިޓީ ކައުންސިލުން ވަނީ އީދު ދުވަހުގެ ހަރަކާތްތަކަށް މަގުފަހިކުރަން، އިއްޔެގެ ހަވީރު 4:00 އިން އިރުއޮއްސި 6:00 އާ ހަމައަށް ގްރޭޓާ މާލެ ސަރަހައްދުގައި ވެހިކަލް ދުއްވުން މަނާވާނެކަމަށް އަންގައިފަ އެވެ.
ނަމަވެސް، ސިޓީ ކައުންސިލުގެ ނިންމުމުގެ މައްޗަށް، ޓްރާންސްޕޯޓް މިނިސްޓްރީން ވަނީ އެ ގަޑިތަކުގައި ވެހިކަލް ދުއްވުން މަނާވާނީ މާލޭގެ އިތުރުން ވިލިމާލޭގައި އެކަނި ކަމަށް ފަހުން ކަނޑައަޅައިފަ އެވެ.
ފުލުހުން ރޭ ބުނީ، ވެހިކަލް ދުއްވުން މަނާ ވަގުތުގައި ވެހިކަލް ދުއްވައިގެން 141 މީހަކަށް ނަސޭހަތްދީފައިވާ ކަމަށާއި 11 މީހަކު ޖޫރިމަނާ ވެސް ކޮށްފައިވާ ކަމަށެވެ.
އެ ގަޑީގައި ފުލުހުން ކުރިއަށް ގެންދިޔަ އޮޕަރޭޝަނެއްގައި ތިން ވެހިކަލެއް ޓޯ ވެސް ކޮށްފައިވާ ކަމަށް ފުލުހުން ބުންޏެވެ.އެއީ، ނުރައްކާތެރިކޮށް ދުއްވައިގެންނާއި ލައިސެންސްގެ މުއްދަތު ހަމަވެފައި އޮއްވައި ދުއްވައިގެންނާއި ލައިސަންސް ނެތި ދުއްވައިގެން ކަމަށް ބުންޏެވެ. 
މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ