ރައީސް ޔާމިނަށް މިގައުމުގައި ތާއީދެއް ނެތޭ، ވެރިކަމުގައި ހުންނަން ގިނަ ރައްޔިތަކު ބޭނުންނުވެއޭ ބުނާމީހުންނަށް މިފާއިތު ވި އީދު ދުވަހު ފެނިގެންދިއައީ ނަމޫނާ މަންޒަރެކެވެ. އެމަނިކުފާނު ބައްވާ ތަފާތު އިވެންޓްތަކަށް މީހުން ދަނީ މަޖުބޫރުކޮށްގެން ކަމަށްބުނެ ދައްކާވާހަކަތަކަށް ރަނގަޅު ރައްދެއް މިވަނީ ލިބިގެން ގޮސްފައެވެ. އީދު ދުވަހު އީދު ސަލާމްކުރެއްވުމަކީ ޒަމާނުއްސުރެ މިގައުމުގައި ކުރިއަށްދާ ކަމެކެވެ. ނަމަވެސް އިއްޔެ ފެނިގެންދިއައީ މިއިން ޒަމާނަކު ފެނިގެން ދިޔަ މަންޒަރެއްނޫނެވެ. އެއްތައް ހާސްރައްޔިތުންނެއް ރައީސް ޔާމިންގެ ދެކަނބަލުންނާއި އީދުސަލާމްކުރެއްވުމަށް ތުއްތު ކުދިން ގޮވައިގެންގޮސް ރަސްރަނި ބަގީޗާ ސަރަހައްދުގައި ގިނަ ވަގުތުތަކެއް ހޭދަކޮށްފައިވާއިރު މިއީ އެެރައްޔިތުންނަށް އެއްވެސް ބަޔަކު މަޖުބޫރުކޮށްގެން ކުރި ކަމެއް ނޫންކަން ޔަގީނެވެ.އެއީ އެރައްޔިތުންގެ ހިތްތަކުގައި ރައީސް ޔާމިންގެ ދެކަބނަބަލުންނަށް އޮތް ލޯއްބާއި އިހުތިރާމެއްގެ ސަބަބުން ސަލާމްކުރަން ވަޑައިގެންނެވި މީހުންނެވެ.އެންމެ ފުރަތަމަ ދޮޅުގަނޑިއިރަށް ސަލާމްކުރުން ކުރިއަށް ގެންދަން ނިންމެވި ނަމަވެސް ސަލާމްކުރެއްވުމަށް ވަޑައިގެންނެވި ބޭފުޅުންނާއި ސަލާމްކުރެއްވުމަށް ދެގަޑިއިރަށް ވުރެ ގިނަ ވަގުތު އެ ދެމަފިރިކަނބަލުން ވަރުބަލިކަމެއްނެތި ހޭދަ ކުރައްވާފައިވެއެވެ. މިއިންވެސް އެދެމަފިރި ކަބަލުންގެ ހިތްތަކުގައި ރައްޔިތުންނަށް އޮތް ލޯބި ހާމަވެގެން ދެއެވެ. އަދި ވަކި ކުލައެއް ވަކި މީހެއް ބެލުމެއްނެތި އެންމެންނާއި ސަލާމްކުރެއްވީ ނުހަނު އޯގާތެރިކަމާއި ލޯތްބާއިއެކުގައެވެ. ސަލާމްކޮށްގެން ނިކުތް ކޮންމެ މީހެއްގެ މޫނު މަތިން ފެނިގެންދިޔައީ ހިތްހަމަޖެހުމާއި އުފާވެރިކަމެވެ. ޚާއްސަކޮށް ތުއްތު ކުދިންނަށް އެދެމަފިރިކަނބަލުން ބަހައްޓަވާ އޯގާތެރިކަމާއި ގާތްކަން ފާހަގަކޮށްލެވެއެވެ. ސަލާމް ކުރަން ދިޔަ ކޮންމެ ކުއްޖަކާއި ވެސް ލޯބިން ރައީސް އާއި މެޑަމް ވަނީ ވާހަކަފުޅު ދައްކަވާފައެވެ. އަދި އެއިން ކޮންމެ ކުއްޖަކު ސަލާމް ކުރުމަށްފަހު ބަގީޗާއިން ނިކުމެގެން ދިޔައީ ވަރަށްވެސް ހިތްހަމަޖެހުމާއި އުފަލާއެކުގައެވެ. އެކުދިންނަށް ބޭނުންވާ އެތައް ހަދިޔާތަކެއް ރައީސްއާއި މެޑަމްގެ ފަރާތުން އިއްޔެވަނީ ލިބިގެން ގޮސްފައެވެ. ރައީސްޔާމީންއާއި މެޑަމްގެ ހެޔޮއެދުންތަކާއެކު އެކުދިންނަށް ލިބިގެންދިޔަ އީދުހަދިޔާތަކާއެކު އެކުދިން ތިބީ ވަރަށް ހިތްހަމަޖެހިފައެވެ. މީގެ އިތުރުންވެސް އިއްޔެ ވެގެން ދިޔައީ ދިވެހި ރައްޔިތުންނަށް ވަރަށް ޚާއްސަ އީދު ހަދިޔާ އެއް ލިބިގެން ދިޔަ ދުވަހަކަށެވެ. އެގޮތުުން ވިންޓާރ ތީމް ޕާކަކީ ދިވެހިން ދުވަހަކުވެސް އުއްމީދު ކުރި ތަނެއްވެސް ނޫނެވެ. ނަމަވެސް މިއަދު ސްނޯގެ އިހްސާސް ކުރަން ބޭނުންވާ ފަރާތްތަކަށް ރާއްޖޭގައި ތިބެގެންވެސް އެެއިހުސާސް ކޮށްލަން ފުރުސަތު މިވަނީ ހުޅުވާލާފައެވެ. އެ ޕާކު ހުޅުވިގަޑީގައިވެސް ސްނޯގެ އިހުސާސް ކޮށްލުމަށް ގިނަ ބަޔަކު ވަނީ އެޕާރކަށް ވަދެފައެވެ. އެޕާކަށް ޒިޔާރަތް ކުރި ކޮންމެ މީހަކުވެސް އެތަނުގެ ފުރިހަމަކަމުގެ ވާހަކަދައްކާއިރު މިއީ ދުވަހަކުވެސް އެމީހުން އުއްމީދުކުރި ކަމެއްނޫން ކަމަށްވެސް ގިނަ ބަޔަކު ބުނެފައެވެއެވެ. އެހެންނަމަވެސް އިދިކޮޅު ފަރާތްތަކަށް އެކަން ހަޖަމެއް ނުކުރެވުނެވެ. ސްނޯ ޕާކެއް ތަރައްޤީ ކުރާ ވާހަކަ އިވުނީއްސުރެ، އިދިކޮޅު ފަރާތްތަކުން ދިޔައީ އެކަން ނުވާނެ ކަމަށް ބުނެ ސަރުކާރަށް ފާޑު ކިޔަމުންނެވެ. އެހެންނަމަވެސް ޕާކް ހުޅުވުމުން، ފިނި މޫސުން ތަޖުރިބާ ކޮށްލަން އެތަނަށް ޒިޔާރަތް ކުރި މީހުންގެ ތެރޭގައި ހަޖޫ ޖެހި މީހުންވެސް ހިމެނޭކަން ފާހަގަކޮށްލަން ޖެހެއެވެ. އެތަނަށް ދިއުމަށްފަހު އެކަންތައްތައް ހަޖަމްނުވެ، ތަފާތު އެތައް ވާހަކައެއް ދައްކާ މީހުން ވެސް މަދެއް ނޫނެވެ. ނަމަވެސް ހަގީގަތަކީ ރައީސް ޔާމީނާއި ސަލާމްކުރަންވެސް ހާހުން ގުނާ އަދަދުން މީހުން ގޮސްފައިވާކަމެވެ. އަދި ދިވެހިރާއްޖެފަދަ މި ހޫނު ގަދަ ގައުމުގައިވެސް ވިންޓާރޕާކެއް ރައީސް ޔާމިންގެ ސަރުކާރުގައި ހުޅުވާދެއްވާފައިވާކަމެވެ.