"ހޭންޑްބޯލް އެޓް ސްކޫލް ޕްރޮގްރާމްގެ" ދެވަނަ ބުރު މިއަދު އއ. ތޮއްޑޫގައި ފަށައިފި އެވެ.
ވީނިއުސްއާ ވާހަކަ ދައްކަވަމުން ހޭންޑްބޯލް މޯލްޑިވްސްގެ ޖެނެރަލް ސެކްރެޓަރީ އަހުމަދު މުޖުތަބާ (މުޖޭ) ވިދާޅުވީ، އިންޓަނޭޝަނަލް ހޭންޑްބޯލް ފެޑެރޭޝަން (އައިއެޗްއެފް) އާއި ހޭންޑްބޯލް މޯލްޑިވްސް ގުޅިގެން ހިންގަމުން އަންނަ މިޕްރޮގްރާމަކީ މާލޭގެ އިތުރުން އަތޮޅު ތެރޭގެ ސްކޫލްތަކުގެ ފިޒިކަލް އެޑިއުކޭޝަން (ޕީއީ) ޓީޗަރުންނަށް އަމާޒުކޮށްގެން ހިންގާ ޕޮރޮގްރާމެއް ކަމަށެވެ. މި ޕްރޮގްރާމްގެ މަގްސަދަކީ ކުޑަ ކުދިންނަށް ހޭންޑްބޯލް ކުޅެން ދަސްކޮށްދިނުމުގެ ގޮތުން ހިންގޭ ޕްރޮގްރާމެއް ކަމަށް ވެސް މުޖޭ ވިދާޅުވި އެވެ.