އަންނަ މާޗް މަހުގެ 22 ވަނަ ދުވަހު އޮންނަ ރައްޔިތުންގެ މަޖިލީހުގެ އިންތިހާބުގައި ސަރުކާރު ހިންގާ ޕްރޮގްރެސިވް ކޯލިޝަންގެ ފަރާތުން ކޮމަންޑޫ ދާއިރާއަށް ވާދަކުރެއްވުމަށް ޕީޕީއެމްގެ ކުރީގެ ކައުންސިލް މެމްބަރު ނަހުލާ އަލީއަށް ޓިކެޓް ކަށަވަރުވެއްޖެއެވެ.
ނަހުލާ ވިދާޅުވީ އޭނާއަށް ކޮމަންޑޫ ދާއިރާގެ ޓިކެޓު ލިބިވަޑައިގެންނެވިކަން އަންގަވާފައިވަނީ ޖުމްހޫރީ ޕާޓީން ކަމަށެވެ. މިއީ ޖުމްހޫރީ ޕާޓީއަށް ސަރުކާރުގެ ކޯލިޝަނުން ލިބިފައިވާ ސްލޮޓެކެވެ.އެމްޑީޕީގެ ފަރާތުން މި ދާއިރާއަށް ވާދަކުރައްވަނީ އަހުމަދު ނާޝިދު (އޭޑީކޭ ނާޝިދު) އެވެ.
ނަހުލާ އަކީ ޖުމްހޫރީ ޕާޓީގެ ޓިކެޓުގައި މަޖިލީހުގެ އިންތިޚާބުގައި ވާދަކުރައްވާ ހަމައެކަނި އަންހެން ބޭފުޅާ އެވެ.
ޕޮލިޓިކްސް އާއި އިކޮނިމިކްސް އިން މާސްޓާސް ހާސިލް ކުރައްވާފައިވާ ނަހުލާ އަކީ މޯލްޑިވްސް ބްރޯޑްކާސްޓިން ކޯޕަރޭޝަންގެ ކުރީގެ މެމްބަރުކެވެ.