ގާކޮއްޓާއި އަރަބިއްޔާ ހުރި ބިމުގައި އިންޑިއާގެ ޓާޓާއާއި ހަވާލުކޮށްގެން އެޅި ފްލެޓުތަކަށް ހޮވުނު ފަރާތްތަކުގެ ތެރެއިން ފައިސާ ހަމަނުޖެއްސުނު 105 ފްލެޓެއް ވިއްކާލަން އެޗްޑީސީން އިއުލާންކޮށްފިއެވެ.
އެޗްޑީސީން މިއަދުކޮށްފައިވާ އިއުލާނުގައި ބުނެފައިވަނީ އެ 105 ފްލެޓު ވިއްކާނީ އެންމެ ފުރަތަމަ ފޯމު ނަގާ 105 ފަރާތަށް ކަމަށެވެ.
ވިއްކުމަށް ހަމަޖެހިފައިވަނީ ގާކޮށިން 72 ފްލެޓާއި އަރަބިއްޔާ ހުރި ބިމުން 30 ފްލެޓެވެ.
އެޗްޑީސީން ބުނެފައިވާ ގޮތުގައި އެ ފްލެޓުތަކަކީ ތިން ކޮތަރީގެ އެޕާޓުމެންޓުތަކެކެވެ. އެ އެޕާޓުމެންޓުތަކުގައި އެޓޭޗު އެއް ފާހާނައާއި އިތުރު ފާހަނައެއް ހުންނަ އިރު ބަދިގެއާއި ސިޓިން ރޫމް ހިމެނެއެވެ.
ފްލެޓުތައް ވިއްކުމަށް ހަމަޖެހިފައިވަނީ 2000000 ރުފިޔާއަށެވެ. ޖުމްލަ 105 ފޯމު ދޫކުރާއިރު ފޯމު ދޫކުރުމަށް ހަމަޖެހިފައިވަނީ 100000 ރުފިޔާ ބޭޢންކު ގެރެންޓީ ދިނުމުންނެވެ. އަދި އެއްފަހަރާ ދެ މިލިޔަން ރުފިޔާ ދައްކާ ފަރާތްތަކުން ދެ މިލިޔަން ރުފިޔާގެ ބޭންކު ގެރެންޓި ޗެކެއް، އަދި ބޭންކު މެދުވެރިކޮށް ފައިސާ ދައްކާ ފަރާތްތަކުން ބޭންކު އެލިޖިބިލިޓީ ސިޓީ ހުށަހަޅަން ޖެހޭނެއެވެ.
ފްލެޓު ގަންނަން ހުށަހަޅާ ފަރާތްތަކުގެ ތެރޭގައި މާލެ، ވިލިމާލެ، ހުޅުމާލެއިން ބޯހިޔާވަހިކަން ހުރި މީހަކަށް ވެގެން ނުވާނެއެވެ.