މި ރޯދަ މަހާ ގުޅިގެން، ދިރާގު އެޕް މެދުވެރިކޮށް 'ކާށި ބިނދެގެން' ޗައިނާއަށް ދިއުމުގެ ފުރުސަތު ލިބޭ ހާއްސަ ޕްރޮމޯޝަނެއް ވަނީ ފަށާފަ އެވެ.މި ޕްރޮމޯޝަން ކުރިއަށްދާނީ ކޮންމެ ދުވަހެއްގެ މެންދުރު 1:00 އިން ފެށިގެން ހަވީރު 6:00 އާ ހަމައަށެވެ.ދިރާގު އެޕްއިންް "ކާށި ބިނދެގެން" ކޮންމެ ދުވަހަކުވެސް 2ޖީބީގެ ހިލޭ ޑޭޓާ ހޯދުމުގެ ފުރުސަތު އޮންނާނެ އެވެ. އަދި މެދުކެނޑުމެއްނެތި 30 ދުވަހު ކާށި ބިންނަ ކަސްޓަމަރުންގެ މެދުގައި ނަގާ ގުރުއަތުން ހޮވޭ ނަސީބުވެރިއަކަށް، ދެ މީހަކަށް ޗައިނާގެ ޝަންހާއީގައި އެއް ހަފުތާގެ ޗުއްޓީއެއް ހޭދަކުރުމުގެ ފުރުސަތު ލިބިގެންދާނެ އެވެ. މި ޕްރޮމޯޝަންގެ މަގްސަދަކީ ރޯދަ މަހު ހިލޭ ޑޭޓާ އާއި އަގުހުރި އިނާމުތަކާ އެކު ޑިޖިޓަލް ވަސީލަތްތައް މެދުވެރިކޮށް ގުޅުންތައް ބަދަހިކުރުމުގެ ފުރުސަތު ކަސްޓަމަރުންނަށް ފަހިކޮށްދިނުން ކަމަށް ދިރާގުން ބުންޏެވެ.ދިރާގުން ދަނީ ކަސްޓަމަރުންނަށް ފައިދާކުރަނިވި، އަދި އާ ތަޖުރިބާތަކެއް ލިބިގެންދާނެ ފަދަ ހިދުމަތްތަކާއި ޕްރޮމޯޝަންތައް ކަސްޓަމަރުންނަށް ފޯރުކޮށްދެމުންނެވެ.މި ޕްރޮމޯޝަނާ ބެހޭ އިތުރު މައުލޫމާތު ދިރާގު ވެބްސައިޓުން ލިބޭނެ އެވެ.