އިޒުރޭލާއި އެމެރިކާ އިން ތުހުމަތު ކުރި ނަމަވެސް އީރާނުން ނިއުކްލިއާ ހަތިޔާރު އުފެއްދުމަށް ރާވައި މަސައްކަތް ކުރާ ކަމުގެ އެއްވެސް ހެއްކެއް ފެންނަން ނެތް ކަމަށް އދ.ގެ ނިއުކްލިއާ ވޮޗްޑޯގްގެ ވެރިޔާ ވިދާޅުވެއްޖެ އެވެ.
އިންޓަނޭޝަނަލް އެޓޮމިކް އެނާޖީ އޭޖެންސީގެ ޑިރެކްޓަރު ޖެނެރަލް ރަފައެލް ގްރޮސީ އެންބީސީ ނިއުސްއަށް ވިދާޅުވީ އީރާނުގައި ނިއުކްލިއާ ހަތިޔާރު އުފެއްދުމަށް ރާވާފައިފާ އަދި އިންތިޒާމުވެގެން އެފަދަ ޕްރޮގްރާމެއްގެ ބައިތަކެއް އުފައްދަން މަސައްކަތް ކުރާ ކަމުގެ އެއްވެސް ހެއްކެއް އެ އެޖެންސީން ފާހަގަކުރެވިފައި ނުވާ ކަމަށެވެ.
ނަމަވެސް އޭނާ ވިދާޅުވީ އީރާނުން %60 ސާފު ޔުރޭނިއަމް ފައްކާކޮށްފައިވާ ކަމަށެވެ. އަދި މިއީ މަދަނީ ހަކަތައިގެ ބޭނުންތަކަށް ވުރެ މާ ބޮޑު މިންވަރެއް ކަމަށް އޭނާ ވިދާޅުވި އެވެ.
އޭނާ ވިދާޅުވީ އެފަދަ މިންވަރަކީ ނިއުކްލިއާ ހަތިޔާރު އުފައްދާ ގައުމުތަކުގައި ހުންނަ މިންވަރު ކަމަށެވެ.
ގްރޮސީ ވިދާޅުވީ އީރާނުން ބޮމެއް އުފައްދަން ގަސްތުކުރާ ކަމަށް އިންސްޕެކްޓަރުންނަށް ނުނިންމޭނެ ކަމަށާއި ނަމަވެސް ސްޓޮކްޕައިލުން ސީރިއަސް ސުވާލުތަކެއް އުފެދޭ ކަމަށެވެ.
އޭނާ ވިދާޅުވީ އެ މުއްސަނދިކަމަކީ "އަޅުގަނޑުމެންގެ ކަންބޮޑުވުންތަކުގެ އަސްލު" ކަމަށާއި އެ ފެންވަރުގައި ބޭނުންވާ ތަކެތި އެއްކުރުމުގެ "ސާފު މަގުސަދެއް" ނެތް ކަމަށެވެ.
ސެންޓްރިފިއުޖްތައް އަބަދު ފުރޮޅި ފުރޮޅި އެ މެޓީރިއަލްތައް އިތުރުވަމުންދާ ކަމަށް އޭނާ ވިދާޅުވި އެވެ. އަދި އެއީ 10އަށް ވުރެ ގިނަ ނިއުކްލިއާ ވޯހެޑް އުފެއްދުމަށް ފުދޭވަރުގެ އަދަދެއް ކަމަށް އޭނާ ވިދާޅުވި އެވެ. ނަމަވެސް އީރާނުގެ އަތުގައި ނިއުލިއާ ހަތިޔާރު އެބަހުރިތޯ، ކުރާ ސުވާލަށް ދޭން އޮތް ޖަވާބަކީ އަދި ނެތް ކަމަށް އޭނާ ވިދާޅުވި އެވެ.