އެމެރިކާގައި ބާއްވަން ތައްޔާރުވާ ފީފާ ވޯލްޑްކަަޕުގައި އީރާނު ނުކުޅުނަސް ވަރިހަމަ ކަމަށާއި އެކަމާ ފަރުވާލެއްނެތް ކަމަށް އެމެރިކާގެ ރައީސް ޑޮނަލްޑް ޓްރަމްޕް ވިދާޅުވެއްޖެއެވެ. ޓްރަމްޕް މިހެން ވިދާޅުވީ އެމެރިކާއާއި އިޒްރޭލު ގުޅިގެން އީރާނަށް ހަމަލާދެމުން ގެންދާ ދަނޑިވަޅެއްގައެވެ. މި ހަމަލާތަކުގެ ފުރަތަމަ ދުވަހު އެ ގައުމުގެ ރޫހީ ލީޑަރު ވަނީ އަވަހާރަކޮށްލާފައެވެ. "އިރާނަކީ ވަރަށް ބޮޑަށް ބަލިކަށިވެފައިވާ ގައުމެއް، އެމީހުން ވޯލްޑްކަޕު ކުޅެން އަންނާނެތޯ އަހަރެން ބަލާކަށް ބޭނުމެއްނޫން،" ޓްރަމްޕް ވިދާޅުވިއެވެ. މުބާރާތުގެ ގްރޫޕް ފިޔަވަހީގައި އިރާނު ކުޅެން ހަމަޖެހިފައިވާ ތިން މެޗުވެސް ކުޅެން ހަމަޖެހިފައިވަނީ އެމެރިކާފައެވެ. އެއާއެކު މި ހާލަތުގައި އެމެރިކާއަަށް ދަތުރުކުރުން އެއީ ނުކުރާނެ ކަމެއްގެ ގޮތުގައި ދާދިފަހުން އީރާނުންވެސް ވަނީ ބުނެފައެވެ. އެމެރިކާގެ ޑޮނަލްޑް ޓްރަމްޕް ވަނީ އިރާނު ހިމެނޭހެން އެމެރިކާއަށް އެތެރެވެވޭނެ ގައުމުތަކުގެ ލިސްޓެއް އެކުލަވާލާފައެވެ. މި ލިސްޓުގައިވާ ގޮތުން އިރާނުގެ ސަޕޯޓަރުންނަށް އެމެރިކާއަށް އެތެރެ ނުވެވޭނެއެވެ. ޖޫން މަހު އެމެރިކާ އާއި މެކްސިކޯ އަދި ކެނެޑާގައި ކުޅޭ ވޯލްޑް ކަޕް ފުޓްބޯޅަ މުބާރާތުގައި އިރާނުން ކުޅޭނެ ކަމުގެ އެއްވެސް ޔަގީންކަމެއް މިވަގުތު ދެވެން ނެތް ކަމަށް އިރާނުންވެސް ވަނީ ބުނެފައެވެ. "އެންމެ މުހިންމު ކަމަކީ ކުޅުންތެރިންގެ ސަލާމަތާ ރައްކާތެރިކަން، މި ހަމަލާތަކާ ގުޅިގެން އުންމީދީ ގޮތަކަށް ކަންކަން ވެދާނެ މަންޒަރު ސިފައެއްނުވޭ" އިރާނުގެ ފުޓްބޯޅަ ފެޑަރޭޝަނުގެ ރައީސް މެހްދީ ތާޖް ވިދާޅުވިއެވެ.