ސައިކަލް ވިއްކާ މޮޓޯއެކްސް އިން ކުރިއަށްގެންދާ 'މޮޓޯއެކްސް ރޯދަ ރައިޑް 2026' ކެމްޕޭނުގެ ދަށުން، ސީއެފްމޮޓޯ ބްރޭންޑުގެ އެންމެ ފަހުގެ 300 އެސްއާރު ސައިކަލު ދައްކާލައިފި އެވެ.
ވީ ކިހިނެއް؟ - މި އާ މޮޑެލް ތައާރަފްކުރުމުގެ މަގުސަދަކީ ސައިކަލް ދުއްވާ ފަރާތްތަކަށް ކުންފުނީގެ ޝޯރޫމަށް ޒިޔާރަތްކޮށް، މި އާ ސައިކަލުގެ ފަރުމާ އާއި ފީޗާސްތައް ބަލާލުމުގެ ފުރުސަތު ހުޅުވާލުމެވެ. މިއީ މި ރޯދަ މަހަށް އަމާޒުކޮށްގެން ކުންފުނިން ފަށާފައިވާ ހާއްސަ ހަރަކާތެކެވެ.
ތަފްސީލް - ސީއެފްމޮޓޯ 300 އެސްއާރަކީ 298 ސީސީގެ އިންޖީނެއް އެކުލެވޭ، ސްޕޯޓް ރޭސިންއަށް ހާއްސަ ސައިކަލެކެވެ. މިއީ ވަރަށް ސްޕޯޓީ ފަރުމާއަކަށް ތައްޔާރުކޮށްފައިވާ، ބާރު ސްޕީޑުގައި ދުއްވާލަން ބޭނުންވާ ފަރާތްތަކަށް ހާއްސަ ޕާފޯމަންސް ސައިކަލެކެވެ.
މި ކެމްޕޭނުގެ ދަށުން ސީއެފްމޮޓޯ 300 އެސްއާރު ގަންނަން ބޭނުންވާ ފަރާތްތަކަށް ހާއްސަ ޑިސްކައުންޓްތަކެއް ލިބޭނެ އެވެ. އެހެންކަމުން، ސައިކަލަށް ޝައުގުވެރިވާ ފަރާތްތަކުން ހުޅުމާލޭ ވިލާ ޕެޓްރޯލް ޝެޑުގައި ހުންނަ މޮޓޯއެކްސްގެ ޝޯރޫމަށް ޒިޔާރަތްކޮށް، މި ޕްރޮމޯޝަނާ ގުޅޭ އިތުރު މައުލޫމާތު ހޯދުމަށް އެ ކުންފުނިން އެދެ އެވެ.
އެނގުން މުހިންމު - 'މޮޓޯއެކްސް ރޯދަ ރައިޑް 2026' ޕްރޮމޯޝަނުގެ ދަށުން:
މޮޓޯއެކްސް އިން ވިއްކާ ހުރިހާ މޮޑެލްއެއްގެ ސައިކަލުތަކުން ބޮޑެތި ޑިސްކައުންޓުތަކެއް ލިބޭނެ
މީގެ އިތުރުން، ސައިކަލެއް ގަތުމުގެ ކުރިން ދުއްވާލަން ފަސޭހަ މިންވަރު ތަޖުރިބާކޮށްލުމަށްޓަކައި 'ސީއެފް މޮޓޯ 150އެސްސީ' މޮޑެލް ހިލޭ ޓެސްޓް ރައިޑް ކޮށްލުމުގެ ފުރުސަތު ވެސް މިހާރު ވަނީ ހުޅުވާލާފައި