ޖަލުގައި ހުކުމް ތަންފީޒު ކުރަމުން ދަނިކޮށް ރޭ މަރުވި ގައިދީގެ މަރު ތަހުގީގު ކުރުމަށް ރައްޔިތުންގެ މަޖިލީހުގެ ތިނަދޫ ދެކުނު ދާއިރާގެ މެމްބަރު އަބްދުﷲ އަހުމަދު ގޮވާލައްވައިފިއެވެ.
މަސްތުވާތަކެތީގެ މައްސަލައެއްގައި 25 އަހަރުގެ ޖަލުހުކުމެއް ތަންފީޒު ކުރަމުން ދަނިކޮށް ރޭ މަރުވީ ގދ.ތިނަދޫ، ސިލްވަރ، ހަމްޒަތު އަހުމަދެވެ.
ހަމްޒަތުގެ މަރާ ގުޅިގެން ރައްޔިތުންގެ މަޖިލީހުގެ ތިނަދޫ ދެކުނު ދާއިރާގެ މެމްބަރު އަބްދުﷲ އަހުމަދު ކުރެއްވި ޓުވީޓެއްގައި ވިދާޅުވީ ކަރެކްޝަނަލް ސާވިސްގެ ބެލުމުގެ ދަށުގައި ހުއްޓާ އޭނަ މަރުވެފައިވާ ގޮތް ބަލަންޖެހޭ ކަމަށެވެ.
އަދި އެޗުއާރުސީއެމާއި ޕޮލިސް ސާވިސް ޓެގު ކުރައްވައި އަބްދުﷲ ވަނީ ހަމްޒަތުގެ މަރުގެ ތަހުގީގު ހިންގުމަށް ކަމާބެހޭ ފަރާތްތަކަށް ގޮވާލައްވާފައެވެ.