ލޮބުވެތި އުޚުތުންނަށް ފުރަތަމަ މިކިޔައިދެނީ ވަރަށް ކުރުކުރު ވާހަކައެކެވެ.  
އެއީ މާގިނަ ބައަކު ދިރިއުޅޭ ސަރަޙައްދެއް ނޫނެވެ. ގިނަ މީހުން ދިރިއުޅެނީ ބޮޑެތި ބިންތައް މިލްކުކޮށްގެންނެވެ. އެމީހުންގެ މަސައްކަތަކީ އެބިންތަކުގައި ދަނޑުގޮވާން ކުރުމެވެ. އެތަނުން އެކެއްގެ ބިން ނިމޭކޮޅުގައި ފެންގަނޑެއް އޮވެއެވެ.  
އެއްދުވަހަކު ބިމުގެ ވެރި މުސްކުޅި މީހާ މޭވާކޮޅެއް ބިނުމުގެ ބޭނުމުގައި ބަކެޓެއް ހިފައިގެން ހިނގަމުން ގޮސް ފެންގަނޑުގެ ކައިރިއަށް ދިއުމުން ފެނުނީ ޒުވާން އަންހެން ކުދިންތަކެއް އެކަށީގެންވާ ފޭރާމެއް ނެތި ފެންގަނޑުގައި އުޅޭތަނެވެ.  
އޭނާ ފެނުމުން އެކުދިން ހަށިގަނޑުތައް ފޮރުވަން ފުނަށް އެރިފައި އެއްކުއްޖަކު ގޮވައިލިއެވެ. "މުސްކުޅި މީހާއެވެ. މިތަނުން ދުރަށްދާށެވެ. އަހަރެމެންނަށް ފެންގަނޑުން އެރޭތީ ކަލޭ ދުރަށް ދިއުމުންނެވެ." މުސްކުޅިމީހާ ގޮވާލިއެވެ. "އަހުރެން މިތަނަށް މިއައީ ކަލޭމެން ހޯދާކަށް ނޫނެވެ. ތިއަ ފެންގަނޑުގައި އަހުރެން ގެންގުޅޭ ކިނބުލަށް ކާންދޭންވެގެންނެވެ."  
މުސްކުޅިޔާގެ އަތުގައި ބަކެޓެއް އޮތުމުން އެމީހާ އެބުނަނީ ތެދެއް ކަމަށް އެކުދިންނަށް ޤަބޫލުކުރެވުނެވެ. އެކުދިން ގަތީ އަމަށަކު ބިރެއް ނޫނެވެ. ތިމާމެން ތިބި ޙާލުގެމަތިން ހަނދާނެއް ނެތެވެ. ކިބުލަސް ބިރުން ސަލާމަތްވާން އަވަސް އަވަހަށް ފެންގަނޑުން އެރިއެވެ. އެތިބަ ގޮތަށް އެމީހާގެ ގާތަށް ދެވުމުން އެނގުނީ ބަކެޓުގައި އެއްވެސް އެއްޗެއް ނެތްކަމެވެ. އިންތިހާއަށް ލަދުގަތެވެ. ދެރަވިއެވެ. އެކަމަކު ރުޅި އާދެވޭކަށް ނެތެވެ. ފެންގަނޑަކީ އޭނާގެ އަމިއްލަ ފެންގަނޑެކެވެ.  
އެމީހާ ބުންޏެވެ! "އަހުރެންނަކީ މުސްކުޅިއަކީމެވެ. ކަލޭމެންގެ ކިބައަކުން އެއްވެސް ކަމެއް ބޭނުމެއްވެސް ނޫނެވެ. ތިހެން ތިއްބައި ކަލޭމެންނަށް ބަލާކަށްވެސް ބޭނުމެއް ނޫނެވެ. ދެންވެސް ފޭރާން ލައި ނިވާވާށެވެ! އަދި މިތަނުގައި މިހިރަ މޭވާ ގަސްތަކުން ކޮންމެ ކުއްޖަކުވެސް 2 މޭވާ ބިނދެގެންކައި ހަމަޖެހިލާށެވެ! އަހުރެން ބޭނުންވީ ކަލޭމެންނަށް ފިލާވަޅެއްދޭށެވެ. އަހުރެންނަކީ ޒުވާނަކަށްވިނަމަ ދެން ކަންތައް މެދުވެރިވާނީ ކިހިނަކުން ހެއްޔެވެ؟ ވީމާ ކޮންމެ ކަމެއް ކުރިނަމަވެސް ފުރަތަމަ ކަމަކަށް ތިމާމެންގެ ސަލާމަތަށާއި ރައްކައުތެރިކަމަށް ބަލާށެވެ! އެކަމަށް ނުބައި އުޅެނިކޮށް ދެރައެއް ލިބުނީމާ ދެރަދިން މީހާ ކުށްވެރި ނުކުރާށެވެ! އެކަންވާނީ އަމިއްލައަށް ލިބިގަތް ދެރައަކަށެވެ. ދެންވެސް ވިސްނައިގެން އުޅެން މަސައްކަތްކުރާށެވެ! 
އަދިވެސް ބުނަން ހެއްޔެވެ؟ ނިވާވާންވީ މީހަކަށް ފެނިދާނެތީއެއް ނޫނެވެ. 7 އުޑުމަތިން މާތް ބައްލަވައިވޮޑިގެންވާތީއެވެ. ބިރުވެތިވާންވީވެސް ލަދުވެތިވާންވީވެސް ހަމަ މާތް ﷲ އަށެވެ. މާތް ﷲ އަށް ބިރުވެތިވެ ނިވާވެގެން ތިބޭނަމަ އެއްވެސް މީހަކަށް ތިއަކުދިންގެ އަޢުރައެއް ނުފެންނާނެއެވެ. އެކަމުން ނުރައްކަލަކާއި ކުރިމަތިލާކަށްވެސް ނުޖެހޭނެއެވެ."  
އަހުރެން ހިތުން މިއީ ހަމަ ވަރަށް ރަނގަޅު ފިލާވަޅަކަށް ފުދޭވަރުގެ ޢިބްރަތްތެރި ވާހަކަކޮޅެކެވެ. އެގޮތަށް ކަންތައް ކުރަން ހިތްވަރުދެނީއެއްވެސް ނޫނެވެ! ނަމަވެސް އޭނާގެ އެ ނަޞޭޙަތަކީ ވަރަށް އަގުހުރި ނަޞޭޙަތެކެވެ. އެކުދިންނަށް އެލިބުނީ ވިސްނައި ޢަމަލުކުރަންޖެހޭނެ ހަމަ ވަރަށް އަގުހުރި އަދި ޢިބްރަތްތެރި ފިލާވަޅެކެވެ.
 
- އިސްލާމީ ތިލަފަތުގެ ދަރުސަކުން