ލ. ގަމުގައި ކާރަކާއި ސައިކަލެއް ޖެހި ހިނގި ނުރައްކާތެރި އެކްސިޑެންޓެއްގައި ސައިކަލުގައި ތިބި ދެ މީހުންގެ ބޯ ފަޅައިގެން ގޮސް ފައި ބިނދިއްޖެ އެވެ.
ފުލުހުން ބުނީ ރޭ 7:03 ހާއިރު ރިޕޯޓު ލިބުނު އެކްސިޑެންޓުގައި ސައިކަލުގައި ތިބީ 44 އަހަރުގެ ދެ ފިރިހެނުން ކަމަށެވެ.
އެ ދެ މީހުންގެ ތެރެއިން އެކަކުގެ ބޯ ފަޅައިގެން ގޮސް ކަނާތު ފައިގެ ދެ ތަނަކުން ބިންދައިގެން ދިޔުމުގެ އިތުރުން އަނިޔާތަކެއް ލިބުނު ކަމަށާއި އަނިޔާވި ދެވަނަ ފިރިހެން މީހާގެ ބޯ ދެ ތަނަކުން ފަޅައިގެން ގޮސް ކަނާތު ފައިގެ ދެ ތަނަކުން ބިނދި އިތުރު އަނިޔާ ލިބުނު ކަމަށް ފުލުހުން ބުންޏެވެ.
ފުލުހުން އިތުރަށް ބުނީ އެކްސިޑެންޓުގައި ހިމެނޭ ކާރު ދުއްވި 62 އަހަރުގެ މީހާއަށް އެއްވެސް އަނިޔާއަށް ލިބިފައި ނުވާ ކަމަށެވެ.
އެކްސިޑެންޓުވި ސައިކަލާއި ކާރަށް ކޮންމެވެސް ވަރެއްގެ ގެއްލުންތަކެއް ލިބިފައިވާއިރު، އެކްސިޑެންޓުގެ މައްސަލަ އަންނަނީ ތަހުގީގު ކުރަމުންނެވެ.