ބައި-އިލެކްޝަންގެ ވަގުތީ ނަތީޖާ މިއަދު 18:00 ގެ ކުރިން އިއުލާން ކުރެވޭނެ ކަމަށް އިލެކްޝަންސް ކޮމިޝަން (އީސީ) އިން ބުނެފިއެވެ.
ޕީއެސްއެމް ނިއުސްއަށް ދެއްވި އިންޓަވިއުއެއްގައި އިލެކްޝަންސް ކޮމިޝަންގެ މެންބަރު ހަސަން ޒަކަރިއްޔާ ވިދާޅުވީ ވޯޓު ފޮށިތައް ބަންދުކުރާތާ 30 މިނެޓް ތެރޭގައި ގުނަން ފަށާނެ ކަމަށެވެ.
ޒަކަރިއްޔާ ވިދާޅުވީ ވޯޓް ފޮށިތައް ބަންދުކުރުމަށްފަހު، ވަގުތީ ނަތީޖާތައް މިއަދު 18:00 ގެ ކުރިން ވަގުތީ ނަތީޖާތައް އިއުލާން ކުރެވޭނެކަމަށް ޤަބޫލުފުޅުކުރައްވާ ކަމަށެވެ.
ބައި އިލެކްޝަންގައި 12 ދާއިރާތަކަށް ވޯޓުލުން ކުރިއަށް ގެންގޮސްފައިވާއިރު މީގެ ތެރޭގައި ދެ ރަށެއްގެ ކައުންސިލް ބައި-އިލެކްޝަނާއި 10 ރަށެއްގެ އަންހެނުންގެ ތަރައްގީއަށް މަސައްކަތް ކުރާ ކޮމިޓީގެ ބައި-އިލެކްޝަން ހިމެނެއެވެ.